Старыя Задворцы

Вёска Старыя Задворцы Краіна Беларусь Вобласць Брэсцкая Раён Брэсцкі Сельсавет Тэльмінскі Каардынаты 52°07′34″ пн. ш. 23°46′36″ у. д.HGЯO Насельніцтва 165 чал. (1999) СААТА 1212840056 Старыя Задворцы на карце Беларусі ±

Старыя Задворцы на Вікісховішчы

Стары́я Задво́рцы — былая вёска ў складзе Тэльмінскага сельсавета Брэсцкага раёна Брэсцкай вобласці, за 6 км на ўсход ад Брэста, побач з Брэсцкай акружной аўтадарогай.

У 19 ст. вёска — прыватная ўласнасць у Брэсцкім павеце Гродзенскай губерні. Уваходзіла ў склад маёнтка Вычулкі. У 1870 годзе з’яўлялася цэнтрам сельскагаспадарчага таварыства.

У 1905 годзе вёска ў Косіцкай воласці Брэсцкага павета Гродзенскай губерні. Паводле Рыжскага мірнага дагавора 1921 года ў складзе Польшчы, у Косіцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну нямецка-фашысцкія акупанты ў ліпені 1944 года спалілі 37 двароў, загубілі 2 жыхароў. Да 4 красавіка 1983 года вёска ўваходзіла ў склад Чэрнінскага сельсавета^[1].

У складзе камунальнага ўнітарнага сельскагаспадарчага прадпрыемства «Брэсцкі» (цэнтр — в. Тэльмы-1).

З 1 чэрвеня 2007 года вёска Старыя Задворцы ўвайшла ў склад горада Брэст^[2].

• 92 рэвізскія душы (1870)
• 193 жыхары (1905)
• 14 двароў, 85 жыхароў (1921)
• 39 двароў, 137 жыхароў (1940)
• 192 жыхары (1959)
• 165 жыхароў (1970)
• 135 гаспадарак, 362 жыхары (2005)

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.