Рэчыца (Брэст)

Рэчыца
52°06′04″ пн. ш. 23°38′51″ у. д.HGЯO
Краіна	Беларусь
Горад	Брэст
Адміністрацыйны раён горада	Ленінскі
Першае згадванне	1586
Ранейшы статус	вёска
Год уключэння ў межы горада	1968
Паштовыя індэксы	224016
Тэлефонныя коды	+375 xx 162
Медыяфайлы на Вікісховішчы

Рэ́чыца (трансліт.: Rečyca, руск.: Речица) — мікрараён Брэста. Былая вёска ў Брэсцкім раёне Брэсцкай вобласці, уваходзіла ў склад Клейнікаўскага сельсавета. З 1968 года ў складзе Брэста.

У XIX стагоддзі вёска і маёнтак уваходзілі ў Косіцкую воласць Брэсцкага павета. З 1879 года ў вёсцы дзейнічаў бровар Шырмы (20 рабочых), які ў 1900 годзе вырабляў 84 тыс. вёдраў піва на 58 тыс. рублёў. Такім жа броварам (19 рабочых) валодаў Таўбэ ў маёнтку, ён вырабляў у 1881 годзе прадукцыі на 18 тыс. рублёў.

У 1930-я гады на месцы маёнтка вырас пасёлак. З 1940 года вёска і пасёлак у складзе Брэсцкага раёна.

У часы Вялікай Айчыннай вайны ў ваколіцах вёскі нямецка-нацысція захопнікі ў ліпені-снежні 1942 года знішчылі 7,2 тысяч чалавек.

Да 1959 года вёска была цэнтрам Рэчыцкага сельсавета і калгаса «Пагранічнік». У 1959—1968 гадах пасёлак зліўся з вёскай, уваходзілі ў Клейнікаўскі сельсавет. У 1968 годзе ўключана ў склад Брэста. З 1978 года ў Ленінскім раёне Брэста^[1].

Галоўныя вуліцы Рэчыцкая, Пісьменніка Смірнова, Школьная і інш. У 1980-я гады на месцы вёскі вялося інтэнсіўнае будаўніцтва жылых дамоў і прадпрыемстваў культурна-бытавога абслугоўвання; пабудаваны піваварана-вінаробны завод і хлебазавод^[1].

• 1905 — 440 жыхароў^[1].

• Речица // Брест : Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1987. — 408 с.

• На Вікісховішчы ёсць медыяфайлы па тэме Рэчыца (Брэст)