Міцькі (Брэсцкі раён)

Вёска Міцькі Краіна Беларусь Вобласць Брэсцкая Раён Брэсцкі Сельсавет Гершонскі Каардынаты 52°02′34″ пн. ш. 23°41′55″ у. д.HGЯO Насельніцтва 455 чал. (1999) СААТА 1212804026 Міцькі на карце Беларусі ±

Мі́цькі — былая вёска ў Брэсцкім раёне Брэсцкай вобласці, за 9 км на поўдзень ад Брэста, 6 км ад чыгуначнай станцыі Брэст-Паўднёвы, аўтадарогай злучана з Брэстам. З 21 снежня 2007 года ў складзе горада Брэста. Міцькі ўваходзілі ў склад Гершонскага сельсавета.

У складзе камунальнага ўнітарнага сельскагаспадарчага прадпрыемства «За мір» (цэнтр — в. Страдзеч).

У 18 ст. вёска — цэнтр маёнтка ў Брэсцкім павеце.

Пасля 3-га падзелу Рэчы Паспалітай (1795) у складзе Расійскай імперыі, у Слонімскай, з 1797 года — у Літоўскай, з 1801 года — у Гродзенскай губернях. Маёнтак складаўся з фальварка і аднайменнай вёскі. У 1858 годзе ўласнасць пана Куроўскага. Вёска з'яўлялася цэнтрам сялянскай грамады. У 1897 годзе вёска ў Камянец-Жыровіцкай воласці Брэсцкага павета Гродзенскай губерні.

Паводле Рыжскага мірнага дагавора 1921 года ў складзе Польшчы, у Камянец-Жыровіцкай гміне Брэсцкага павета Палескага ваяводства. Непадалёку ад вёскі знаходзіўся фальварак (1 двор, 16 жыхароў).

З 1939 года ў складзе БССР. У Вялікую Айчынную вайну гітлераўцы спалілі 27 двароў, загубілі 6 жыхароў; 7 вяскоўцаў загінулі на фронце.

• 72 сялянскія душы (1858)
• 15 двароў, 96 жыхароў (1897)
• 116 жыхароў (1905)
• 18 двароў, 96 жыхароў (1921)
• 37 двароў, 198 жыхароў (1940)
• 105 гаспадарак, 270 жыхароў (1997)
• 135 гаспадарак, 436 жыхароў (2005)

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.