Цяплівады (Жамчужненскі сельсавет)

Цяплівады
Краіна	Беларусь
Вобласць	Брэсцкая
Раён	Баранавіцкі
Сельсавет	Жамчужненскі
Каардынаты	53°09′12″ пн. ш. 25°48′50″ у. д.HGЯO
Насельніцтва	▼9 чал. (2009);
Часавы пояс	UTC+3
Тэлефонны код	+375 163
Аўтамабільны код	1
СААТА	1204815081

Цяплі́вады^[1] (трансліт.: Ciaplivady, руск.: Тепливоды) — вёска ў Баранавіцкім раёне Брэсцкай вобласці. Уваходзіць у склад Жамчужненскага сельсавета. Размешчаны за 15 км на захад ад Баранавічаў, за 9 км ад чыгуначнай станцыі Палонка, на аўтадарозе Новая Мыш — Слонім.

Гісторыя

У пачатку XX стагоддзя маёнтак у Навамышскай воласці Навагрудскага павета Мінскай губерні.

З1921 года ў складзе Польскай Рэспублікі, засценак у Навамышскай гміне Баранавіцкага павета Навагрудскага ваяводства. Побач з засценкам размяшчаліся 3 аднайменныя фальваркі, у якіх разам было 6 дамоў, 38 жыхароў.

З 1939 года ў складзе БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі.

Да 1985 года ўваходзіла ў склад Палонкаўскага сельсавета^[2].

Насельніцтва

7 двароў, каля 60 жыхароў (пачатак XX стагоддзя)
4 дамы, 29 жыхароў (1921)
52 жыхары (1970)
16 двары, 20 жыхароў (1998)
6 гаспадарак, 8 жыхароў (2005)

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ Решение исполнительного комитета Брестского областного Совета народных депутатов от 18 марта 1985 г. № 177 Об изменении в административно-территориальном делении Барановичского района

Літаратура

Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.