Эмануэль Ласкер

Эмануэль Ласкер
Эмануэль Ласкер
	ням.: Emanuel Lasker
Дата нараджэння	24 снежня 1868[…]
Месца нараджэння	Барлінак, Гміна Барлінак, Мыслібожскі павет, Заходнепаморскае ваяводства, Польшча[…];
Дата смерці	11 студзеня 1941[…] (72 гады)
Месца смерці	Нью-Ёрк, штат Нью-Ёрк, ЗША;
Месца пахавання	Beth Olam Cemetery[d];
Грамадзянства	Германская імперыя; Веймарская рэспубліка;
Жонка	Martha Lasker[d]
Род дзейнасці	матэматык, шахматыст, bridge player, філосаф, шахматны кампазітар
Навуковая сфера	алгебра, шахматы, матэматыка і філасофія
Месца працы	Тулейнскі ўніверсітэт;
Навуковая ступень	доктарская ступень[d]
Альма-матар	Гайдэльбергскі ўніверсітэт; Універсітэт Эрлангена — Нюрнберга;
Навуковы кіраўнік	Max Noether[d]
Узнагароды	world chess champion[d] (1894 — 1921) Зала славы нямецкага спорту[d] (6 мая 2008)
	Медыяфайлы на Вікісховішчы

Эмануэль Ласкер (ням.: Emanuel Lasker, 24 снежня 1868 — 11 студзеня 1941) — нямецкі шахматыст і матэматык, прадстаўнік пазіцыйнай школы, другі чэмпіён свету па шахматах (1894—1921). Ласкер захоўваў званне чэмпіёна свету 27 гадоў, што з'яўляецца рэкордным дасягненнем для шахмат, а працягваў выступаць на вышэйшым узроўні да 68 гадоў.

Ласкер валодаў універсальным стылем гульні, аднак яго самымі моцнымі бакамі лічылі пазіцыйнае пачуццё і эндшпіль. Многія біёграфы і даследчыкі называюць Ласкера першаадкрывальнікам псіхалагічнага падыходу да шахматах: лічыцца, што Ласкер часцяком быў гатовы пайсці на пагаршэнне сваёй пазіцыі, каб накіраваць гульню ў нязручнае для канкрэтнага суперніка рэчышча. Гэтая кропка гледжання папулярная і цяпер, хоць частка экспертаў лічыць яе памылковай і тлумачыць дасягненні Ласкера глыбокім разуменнем шахмат і ўменнем ацаніць плюсы і мінусы таго ці іншага працягу партыі.

На працягу сваёй шахматнай кар'еры Ласкер неаднаразова спыняў выступу на некалькі гадоў для заняткаў матэматыкай і філасофіяй. Ласкер абараніў доктарскую дысертацыю па матэматыцы ў 1901 годзе, а яго галоўным дасягненнем у матэматыцы стала тэарэма, названая ад імя Ласкера і Эмі Нётэр, якая пазней падагульніла высновы Ласкера. Акрамя гэтага Ласкер выдаў некалькі філасофскіх прац і літаратурных твораў.

У лютым 1936 года Ласкер выступіў у БССР з сеансам адначасовай гульні на 25 дошках. Яго афіцыйна прымаў старшыня Савета народных камісараў БССР М. Галадзед.