2-я армія (Аўстра-Венгрыя)

kaiserlich und königliche 2. Armee 2 Армія
ням.: 2. Armee
Аўстра-венгерскі кулямётны разлік кулямёта Шварцлозэ вядзе агонь па атакуючых расійскіх самалётах. Усходні фронт. 25 сакавіка 1916.
Гады існавання	ліпень 1914 — лістапад 1919
Краіна	Аўстра-Венгрыя
Тып	Пяхота
Удзел у	Першая сусветная вайна Варшаўска-Івангарадская аперацыя Горліцкі прарыў Вялікае адступленне Брусілаўскі прарыў Чэрвеньскае наступленне Аперацыя «Фаўстшлаг»
Камандзіры
Вядомыя камандзіры	фельдмаршал Эдуард фон Бём-Эрмалі

2-я а́рмія (ням.: k.u.k. 2. Armee) — воінскае аб’яднанне армейскага ўзроўню сухапутных сілаў Аўстра-Венгрыі падчас Першай сусветнай вайны.

Была сфармавана ў жніўні 1914 года і мела 6,5 пяхотных і 1 кавалерыйскай дывізіі. Згодна з планам Генеральнага штаба, армія планавалася для вядзення баявых дзеянняў на Сербскім фронце, але ўжо 20 жніўня пасля разбуральнай паразы аўстра-венгерскіх войскаў 3-й арміі пры бітве пры Гнілой Ліпе была тэрмінова пераведзена на Усходні фронт для барацьбы з войскамі Расійскай імперыі. Са жніўня 1914 г. армія змагалася ў Галіцыйскай бітве. Перад яе пачаткам складалася з чатырох карпусоў і шасці асобных дывізій^[1]:

Пачынаючы з 25 жніўня, першыя часткі VII корпуса былі замацаваны на плацдарме ракі Днестр каля Галіча. У далейшым часткі ўсёй арміі ўвайшлі на вызначаныя рубяжы на Усходнім фронце і супрацьстаялі наступленню расійскай 8-я арміі.

У канцы кастрычніка, пасля бітвы на рацэ Вісла, увесь нямецка-аўстрыйскі фронт быў вымушаны адступіць ад Польшчы, 2-я армія падтрымала саюзнікаў у гэтых баях. У лістападзе яна ўдзельнічала ў Лодзінскай бітве на паўднёвым флангу крыла 9-й нямецкай арміі.

У далейшым армія ўдзельнічала ў зімовай бітве ў Карпатах, разгроме расійскай арміі і адступленні ў 1915 годзе. У 1916 годзе войскі генерала фон Бём-Эрмалі выступілі супраць наступу расійскіх войскаў генерала Брусілава. Пасля разгрому расійскай арміі і распаду Расійскай імперыі ў 1917—1918 гг., яе фарміраванні былі ўцягнуты ў акупацыю частак Украіны і Беларусі.

Неўзабаве пасля распаду Аўстра-Венгерскай імперыі армія была распушчана.

Армія за ўсю гісторыю вайны мела двух камандуючых.

• генерал ад кавалерыі, ад 1 мая 1916 генерал-палкоўнік, са студзеня 1918 фельдмаршал Эдуард фон Бём-Эрмалі (ням.: Eduard von Böhm-Ermolli) (14 жніўня 1914 — май 1918)
• генерал ад пяхоты Альфрэд Краўс (ням.: Alfred Krauß) (май — лістапад 1918)

• Ellis, John; Cox, Michael (1993). The World War I Databook. Aurum Press Ltd. ISBN 1-85410-766-6.
• Juliusz Bator — «Wojna galicyjska», Kraków 2005, ISBN 83-921494-4-0

• Order of Battle Galicia August, 1914 Архівавана 9 снежня 2017.
• Heer und Flotte Österreich-Ungarn
• Österreichisch-Ungarische Truppen und Waffen im I. Weltkrieg
• ÖSTERREICH-UNGARNS LETZTER KRIEG 1914—1918 Архівавана 10 верасня 2018.