57-я авіяцыйная база

57-я авіяцыйная база
57-я авіяцыйная база
Гады існавання	з 1955 па 2004/з 2007 (як аэрадром імя Міхаіла Кагэлнічану)
Краіна	Сацыялістычная Рэспубліка Румынія; Румынія
Уваходзіць у	Ваенна-паветраныя сілы Румыніі (рум.) (бел.
Тып	авіябаза[d]
Складаецца з	572-я верталётная эскадрылля, 861-я знішчальная эскадрылля
Дыслакацыя	Mihail Kogălniceanu[d];
Сайт	roaf.ro/?p=3876 (рум.)

57-я авіябаза ВПС Румыніі «Капітан Канстанцін Кантакузін» (рум.: Baza 57 Aeriană "Căpitan Aviator Constantin Cantacuzino") — ваенны аб’ект, размешчаны недалёка ад Канстанцы, у міжнародным аэрапорце імя Міхаіла Кагэлнічану. У цяперашні час тут размяшчаецца 572-я верталётная эскадрылля, а таксама 861-я знішчальная эскадрылля 86-й авіябазы^[1].

Гісторыя

5 красавіка 1951 года на аэрадроме Піпера ўтвораны 14-ы (затым 172-і) знішчальны полк, якім эксплуатаваліся самалёты По-2, Як-11, Як-23 і Як-17. У 1955 годзе падраздзяленне перабазіравалася на аэрадром Міхаіла Кагэлнічану. 1 лістапада 1959 года ператворана ў 57-ы знішчальны авіяцыйны полк. Назва захоўвалася да 1995 года^[2].

З 1979 года на базу паступілі першыя МіГ-23^[3], а з 1989 года — МіГ-29^[4].

У 1999 годзе базу пачалі эксплуатаваць Узброеныя сілы ЗША. У 2003 годзе яна стала адным з чатырох румынскіх ваенных аб’ектаў, якія амерыканцы выкарыстоўвалі пры перакідцы войск напярэдадні ўварвання ў Ірак^[5]. За першыя тры месяцы Іракскай вайны праз аэрапорт перакінуты 6200 вайскоўцаў^[5].

У 2004 годзе база расфарміравана^[6]^[7], але 1 мая 2007 года на яе месцы для каардынацыі авіяцыйнай дзейнасці заснаваны аэрадром імя Міхаіла Кагэлнічану^[8].

Замежная прысутнасць

З 2014 года, у адказ на Крымскія падзеі, на авіябазе разгорнуты сілы НАТА, у прыватнасці:

ВПС Канады: знішчальнікі CF-18 Hornet (з 2017 года)^[9]
ВПС Вялікабрытаніі (з 2017 года)^[10]
ВПС Італіі (з 2019 года)^[11]
ВПС Іспаніі: знішчальнікі Eurofighter Typhoons (з 2021 года)^[12]

З 2010 па 2018 года на базе знаходзіўся штаб чарнаморскіх ратацыйных сіл Корпуса марской пяхоты ЗША^[13]. У чэрвені 2022 года тут былі разгорнуты падраздзяленні 101-й паветрана-дэсантнай дывізіі^[14]^[15].

Турма ЦРУ

Мяркуецца, што 57-я авіябаза выкарыстоўвалася ЦРУ для ўтрымання асоб, падазраваных у тэрарыстычнай дзейнасці^[16]. Паводле звестак Еўракантролю, вязняў сюды дастаўлялі самалётам N379P (пазней зарэгістраванага і больш вядомага як N44982)^[17]. Згодна з факсам, перахопленым швейцарскай разведкай і датаваным 10 лістапада 2005 года, які адпраўлены міністрам замежных спраў Егіпта Ахмедам Абул Гейтам егіпецкаму паслу ў Лондане, Злучаныя Штаты ўтрымлівалі на аэрадроме па меншай меры 23 грамадзян Ірака і Афганістана^[18]^[19].