Јајце со подвижни минијатури (Фабержеово јајце)

Јајце со подвижни минијатури — царско Фабержеово јајце, едно од низата од педесет и две украсени јајца направено под водство на Петар Карл Фаберже за руското царско семејство во 1896 година. Било создадено за царицата Александра Фјодоровна. Моментално јајцето се наоѓа во Музејот на современа уметност во Вирџинија.^[1]

Јајцето било создадено од Михаил Перхин, вработен во работилницата Фаберже, додека минијатурите биле дело на Јоханес Ценграф.^[1] Високо е околу 248 мм на својот постамент со пречник од 98 мм.^[2] Надворешната покривка е од кварц опкружена со зелено емајлирано злато надополнето со дијаманти. На врвот на јајцето е 27 каратен сибирски смарагд надополнет од зелено емајлирано злато. Овој смарагд во кабошон стил е еден од најголемите скапоцени камења кои Фаберже ги користел во било кое од царските јајца.^[3] Основата на јајцето е на подножје од кварц. Основата се состои од обоено емајлирано злато обиколено двапати со избрусени дијаманти како рози. Има монограми на царицата.

Во ова јајце постојат дванаесет минијатурни слики. Сликите се различни дворци значајни за царицата. Секое место има специјална место за Никола и Александра во нивните први денови.

Кога ќе се притисне големиот смарагд на врвот се вклучува механизам кој ги ротира минијатурните слики во јајцето. Кука оди надолу и ги повлекува врамените слики како страници од книга, па така само две слики може целосно да се видат во исто време.^[1] Секоја минијатура е врамена во злато со смарагд на врвот.

Местата на сликите се:

• Нов дворец Дармштат: Дворецот каде што е родена принцезата.
• Кранихштајн, Хесен: Омилената летна резиденцијата во младоста на принцецата.
• Замок Балморал, Шкотска: Одредиште за одмор во детството на бабата на Александра, кралицата Викторија.
• Тврдина Кобург: Дворецот каде Никола и Александра се вериле при свадбата на братот на Александра, Ернст Лудвиг со Викторија Мелита во 1894 година.
• Замок Волфсгартен, Хесен: Замок за ловење на семејството на Александра.
• Замок Виндзор, близу Лондон: Резиденцијата на кралицата Викторија каде Александра одела како дете.
• Дворец Каткарт, Харогејт: Интернат каде Александра ги посетувала бањите во Харогејт.
• Замок Розенау, Кобург: Место кое Никола и Александра го посетиле еден ден по нивната веридба.
• Куќа Озборн: Место каде Никола ја посетил Александра додека биле верени.
• Зимскиот дворе, Санкт Петербург: Местото на свадбата на Никола и Александра.
• Дворец Аничков, Санкт Петербург: Резиденција на Марија Фјодоровна, каде Александра ја поминала првата година во Русија.
• Дворец Александар, Царско Село, близу Санкт Петербург: омилената зимска резиденција на семејството.^[1]

Јајцето било подарено од Никола II на Александра Фјодоровна на 24 март 1896 година.^[1]

Во 1909 година, јајцето било сместено во Зимскиот дворец. Јајцето било одземено од Привремената руска влада и преместено во Оружениот замок во Кремљ во Москва заедно со околу 40 други јајца. Во 1930 година, ова јајце било едно од десетте продадени на Галерии Хамер од Њујорк за 8.000 рубљи или околу 4.000 американски долари. Во 1945 година јајцето било последно од петте царски велигденски јајца купени од Лилијан Томас Прат, жена на извршниот директор на Џенерал Моторс, Џон Ли Прат. По смртта на Лилијан Томас Прат во 1947 година, јајцето било подарено на Музејот на современа уметност во Ричмонд, Вирџинија.^[4]

• Фабержеови јајца

• Збирки од Музејот за современа уметност Вирџинија

п р у Фабержеови јајца Царски јајца Кокошка (1885) • Кокошка со сафирен клун (1886) • Златно јајце со часовник (1887) • Херувим и кочија (1888) • Несесер (1889) • Дански дворци (1890) • Азовски спомен (1891) • Дијамантска мрежа (1892) • Кавкаско јајце (1893) • Ренесанса (1894) • Воскресение Христово (до 1899, можно е да било изненадувачко јајце „Ренесанса“) • Сино јајце-часовник со змеј (1895) • Јајце со пупка од роза (1895) • Портрети на Александар III (1896) • Јајце со подвижни минијатури (1896) • Розово-виолетово јајце со три минијатури (1897) • Крунисувачко јајце (1897) • Пеликан (1898) • Момини солзи (1898) • Темјанушки (1899) • Букет лилии (1899) • Петел (1900) • Транссибирска магистрала (1900) • Гатчински дворец (1901) • Кошница со цвеќиња (1901) • Ампир (1902) • Детелина (1902) • Дански јубилеј (1903) • Петар Велики (1903) • Лебед (1906) • Московски Кремљ (1906) • Лулка со гирланди (1907) • Јајце со плот и рози (1907) • Паун (1908) • Александровски дворец (1908) • Сеќавање на Александар III (1909) • Јахта „Штандарт“ (1909) • Коњанички споменик на Александар III (1910) • Колонада (1910) • Ловорово дрво (1911) • Петнаесетгодишен јубилеј (1911) • Наполеонско јајце (1912) • Царевич (1912) • Зимско јајце (1913) • Тристалетие на династијата Романови (1913) • Катерина Велика (1914) • Мозаично јајце (1914) • Црвен крст со портрети (1915) • Црвен крст со триптих (1915) • Орден на Свети Ѓорѓи (1916) • Воено челично јајце (1916) • Брезово јајце (1917) • Соѕвездие (1917, недовршено) Келхови јајца Келхова кокошка (1898) • Јајце со панели (1899) • Борова шишарка (1900) • Јаболкови цветови (1901) • Рококово јајце (1902) • Бонбониера (1903) • Келхов шантеклер (1904) Други јајца Камено-сино јајце (1886) • Јајце со појас од сини емајли (1885—1891) • Розово кварцово јајце (1899) • Пролетни цветови (1899) • Скандинавско јајце (1899—1903) • Јајце на војвотката Малборо (1902) • Ротшилдско јајце (1902) • Часовник (1903) • Јајце-часовник на Јусупови (1907) • Нобелово ледено јајце (1914) • Мрачно јајце (1917)