Зимски олимписки игри 1936

IV Зимски олимписки игри - Гармиш-Партенкирхен 1936
Град домаќин	Гармиш-Партенкирхен, Германија
Број на држави	28
Број на спортисти	646 (566 мажи и 80 жени)
Број на спортови	3
Број на натпревари	17
Отворање	{{{Отворање}}}
Затворање	16 февруари 1936
Стадион

IV Зимски олимписки игри се одржале од 6 до 16 февруари 1936 године во Гармиш-Партенкирхен, Германија. Истата година, Германија била домаќин и на Летните олимписки игри, кои се одржале во Берлин. Тоа било за последен пат обете Олимписки игри во иста година да се одржат во иста земја.^[а]

На овие игри, за првпат во натпреварувачката програма се нашле дисциплините од спортот алпско скијање. Меѓутоа, поради аматерските правил, на учителите по скијање им било забрането учеството, бидејќи ги сметале за професионалци. Поради тоа, алпските скијачи од Франција и Швајцарија ги бојкотирале натпреварите во овој спорт.

• Соња Хени од Норвешка го освоила третото последователно злато во уметничко лизгање во женска конкуренција.
• Ивар Балангруд освоил 3 златни (во трките на 500, 5000 и 10000 m) и 1 сребрен медал (во трката на 1500 m) во четирите дисциплини во брзо лизгање.
• Во хокеј на мраз се случило големо изненадување, кога златниот медал го освоиле репрезентативците од Велика Британија, кои во клучниот натпревар ја совладале репреентацијата на Канада со 2-1. Сепак, дури десетмина од вкупно дванаесет хокеари на Велика Британија тренирале во Канада.
• Медалите, со кои биле одликувани најдобрите на овие игри, биле најголемите и најтешките досега. Тие имале пречник со должина од 100 mm, дебелина од 4 mm и маса од 324 g.

Спортистите биле одликувани со медали во 17 дисциплини во 8 спортови. Демонстративни спортови биле воена патрола (спорт сличен на биатлон) и ајсшток (спорт сличен на карлинг).

Во продолжение е даден распоред на натпреварите по натпреварувачки денови, но само во спортовите за кои биле доделени медали.

			6	7	8	9	10	11	12	13	14	15	16	Вкупно
Церемонии			●										●
Боб									1			1		3
Алпско скијање				1	1	1								4
Брзо лизгање								1	1	1	1			4
Нордиска комбинација										1				1
Скијачко трчање							1		1			1		3
Скијачки скокови													1	1
Уметничко лизгање										1	1	1		3
Хокеј на мраз													1	1
Вкупно				1	1	1	1	1	3	3	2	3	2	17

На игрите, 28 земји испратиле свои спортисти, чиј вкупен број изнесувал 646. За првпат на Зимските олимписки игри учествувале: Австралија, Бугарија, Грција, Лихтенштајн, Турција и Шпанија. Повторно со свои спортисти на Зимските олимписки игри учествувале Естонија, Југославија, Летонија и Холандија, кои не учествувале на игрите во 1932 година.

Место	Земја	Злато	Сребро	Бронза	Вкупно
1	Норвешка	7	5	3	15
2	Германија	3	3	0	6
3	Шведска	2	2	3	7
4	Финска	1	2	3	6
5	Швајцарија	1	2	0	3
6	Австрија	1	1	2	4
7	Обединето Кралство	1	1	1	3
8	САД	1	0	3	4
9	Канада	0	1	0	1
10	Франција	0	0	1	1
	Унгарија	0	0	1	1

• Олимписки игри
• Зимски олимписки игри
• Меѓународен олимписки комитет

• ^а Во 1940 година, Летните олимписки игри требале да се одржат во Токио, а Зимските во Сапоро, но не се одржале поради Втората светска војна, со што обете Олимписки игри не биле одржани уште еднаш во иста земја.

„Зимски олимписки игри 1936“ на Ризницата ?

• Гармиш-Партенкирхен 1936, МОК

п р у Олимписки игри Летни Атина 1896 Париз 1900 Сент Луис 1904 Лондон 1908 Стокхолм 1912 1916 Антверпен 1920 Париз 1924 Амстердам 1928 Лос Анџелес 1932 Берлин 1936 1940 1944 Лондон 1948 Хелсинки 1952 Мелбурн 1956 Рим 1960 Токио 1964 Мексико 1968 Минхен 1972 Монтреал 1976 Москва 1980 Лос Анџелес 1984 Сеул 1988 Барселона 1992 Атланта 1996 Сиднеј 2000 Атина 2004 Пекинг 2008 Лондон 2012 Рио де Жанеиро 2016 Токио 2020 Париз 2024 Лос Анџелес 2028 Бризбејн 2032 Зимски Шамони 1924 Санкт Мориц 1928 Лејк Плесид 1932 Гармиш-Партенкихен 1936 1940 1944 Санкт Мориц 1948 Осло 1952 Кортина 1956 Скво Вели 1960 Инсбрук 1964 Гренобл 1968 Сапоро 1972 Инсбрук 1976 Лејк Плесид 1980 Сараево 1984 Калгари 1988 Албертвил 1992 Лилехамер 1994 Нагано 1998 Солт Лејк Сити 2002 Торино 2006 Ванкувер 2010 Сочи 2014 Пјонгчанг 2018 Пекинг 2022 Милано-Кортина 2026 Француски Алпи 2030 Солт Лејк Сити 2034 Антички олимписки игри Олимписки меѓуигри 1906 Параолимписки игри Младински олимписки игри