Зимски олимписки игри 1948

V Зимски олимписки игри - Санкт Мориц 1948
Град домаќин	Санкт Мориц, Швајцарија
Број на држави	28
Број на спортисти	669 (592 мажи и 77 жени)
Број на спортови	4
Број на натпревари	22
Отворање	{{{Отворање}}}
Затворање	8 февруари 1948
Стадион

V Зимски олимписки игри се одржале од 30 јануари до 8 февруари 1948 година во Санкт Мориц, Швајцарија. Тоа биле вторите Олимписки игри во овој град, по Зимските олимписки игри 1928.

По паузата од 12 години на неодржување на Олимписките игри, поради Втората светска војна, Зимските олимписки игри доживеале нов почеток. Поради вмешаноста во војната, Германија и Јапонија добиле забрана да учествуваат на игрите.

Натпреварувачката програма, повторно содржела натпревари во скелетон, но по игрите, овој спорт не бил дел од олимиската програма, сè до Зимските олимпписки игри 2002.

Градот Санкт Мориц бил избран за град-домаќин на игрите на седница на МОК, која се одржала во септември 1946 година. Поради кратката временска рамка, Организацискиот комитет на игрите, со подготовките започнал уште веднаш.^[1] Со овој избор, Санкт Мориц станал првиот град во кој биле организирани Зимски олимписки игри по вторпат.

• Хенри Орејлер од Франција и Мартин Лундстром од Шведска биле единствените спортисти кои освоиле по два златни медали. Орејлер победил во алпските дисциплини спуст и комбинација, а освоил и бронза во слалом, додека Лундстром победил во скијачко трчање на 18 км, а освоил злато и како дел од националната штафета во трката 4х10 km.
• Во уметничко лизгање доминирале натпреварувачите од Северна Америка. Во женска конкуренција, победила Барбара Ен Скот од Канада, а во машка конкуренција Дик Батсон од САД.
• Натпреварувачите од Норвешка ги освоиле сите 3 златни медали во скијачки скокови.

На игрите, биле доделени медали во 22 дисциплини во 4 спортови. Демонстративни спортови биле воената патрола (спорт сличен на биатлон) и зимскиот петобој (спорт кој се состои од алпско скијање, скијачко трчање, мечување, стрелаштво и коњички спорт).

Во продолжение е даден распоред на натпреварите по натпреварувачки денови, но само во спортовите за кои биле доделени медали.

			30	31	1	2	3	4	5	6	7	8	Вкупно
Церемонии			●									●
Боб				1							1		2
Алпско скијање						2		2	2				6
Брзо лизгање				1	1	1	1						4
Нордиска комбинација					1								1
Скијачко трчање				1			1			1			3
Скијачки скокови											1		1
Скелетон								1					1
Уметничко лизгање								1	1	1			3
Хокеј на мраз												1	1
Вкупно				3	2	3	2	4	3	2	2	1	22

На игрите во Санкт Мориц во 1948 година учествувале вкупно 669 спортисти од 28 земји (на игрите во 1936, исто така учествувале спортисти од 28 земји)^[2] За првпат на Зимските олимписки игри учествувале: Данска, Исланд, Јужна Кореја, Либан и Чиле.^[3] Поради вмешаноста во Втората светска војна, на Германија и Јапонија не им било дозволено да учествуваат, а Естонија и Летонија биле анексирани кон Советскиот Сојуз во 1940 година и не учествувале како самостојни земји, сè до 1992 година. Аргентина се вратила на игрите по пропуштените игри во 1936, а Австралија и Луксембург, кои учествувале на игрите во 1936, не учествувале.

Во табелата се дадени првите десет земји по бројот на освоени медлаи.^[4]

Место	Земја	Злато	Сребро	Бронза	Вкупно
1	Норвешка	4	3	3	10
	Шведска	4	3	3	10
3	Швајцарија	3	4	3	10
4	САД	3	4	2	9
5	Франција	2	1	2	5
6	Канада	2	0	1	3
7	Австрија	1	3	4	8
8	Финска	1	3	2	6
9	Белгија	1	1	0	2
10	Италија	1	0	0	1

• Олимписки игри
• Зимски олимписки игри
• Меѓународен олимписки комитет

„Зимски олимписки игри 1948“ на Ризницата ?

• Санкт Мориц 1948, МОК

п р у Олимписки игри Летни Атина 1896 Париз 1900 Сент Луис 1904 Лондон 1908 Стокхолм 1912 1916 Антверпен 1920 Париз 1924 Амстердам 1928 Лос Анџелес 1932 Берлин 1936 1940 1944 Лондон 1948 Хелсинки 1952 Мелбурн 1956 Рим 1960 Токио 1964 Мексико 1968 Минхен 1972 Монтреал 1976 Москва 1980 Лос Анџелес 1984 Сеул 1988 Барселона 1992 Атланта 1996 Сиднеј 2000 Атина 2004 Пекинг 2008 Лондон 2012 Рио де Жанеиро 2016 Токио 2020 Париз 2024 Лос Анџелес 2028 Бризбејн 2032 Зимски Шамони 1924 Санкт Мориц 1928 Лејк Плесид 1932 Гармиш-Партенкихен 1936 1940 1944 Санкт Мориц 1948 Осло 1952 Кортина 1956 Скво Вели 1960 Инсбрук 1964 Гренобл 1968 Сапоро 1972 Инсбрук 1976 Лејк Плесид 1980 Сараево 1984 Калгари 1988 Албертвил 1992 Лилехамер 1994 Нагано 1998 Солт Лејк Сити 2002 Торино 2006 Ванкувер 2010 Сочи 2014 Пјонгчанг 2018 Пекинг 2022 Милано-Кортина 2026 Француски Алпи 2030 Солт Лејк Сити 2034 Антички олимписки игри Олимписки меѓуигри 1906 Параолимписки игри Младински олимписки игри