Зимски олимписки игри 1960

VIII Зимски олимписки игри - Скво Вели 1960
Град домаќин	Скво Вели, САД
Број на држави	30
Број на спортисти	665 (521 маж и 144 жени)
Број на спортови	4
Број на натпревари	27
Отворање	{{{Отворање}}}
Затворање	28 февруари 1960
Стадион

VIII Зимски олимписки игри се одржале од 18 до 28 февруари 1960 година во Скво Вели, САД.

Организаторите, успешно го подготвиле Олимпиското село, натпреварувачките играишта и сите останати потребни објекти. Но, проблем било топлото време, па така околу десетина дена пред почетокот на игрите, буквално се стопило целото привремено паркиралиште, направено на замрзната подлога и лед. Поради, тоа морала да интервенира војската, која донела лед од околните планини и успеала да го обнови паркиралиштето.

Недостаток било тоа што немало патека за одржување на натпреварите во боб, па ова биле единствените Олимписки игри, на кои не се одржале натпрвари во овој спорт. Од друга страна, за првпат резултатите биле компјутерски обработени, а за тоа се погрижила компанијата ИБМ.

Александар Кушинг, кој бил создавач на скијачкото место Скво Вели се заинтерсирал за кандидатура на местото за организирање на Зимските олимписки игри, откако прочитал за интересот за организирање на Зимски олимписки игри од страна на челниците на градовите Рено, Невада и Енкориџ. Скво Вели бил град без градоначалник, кој го содржел само скијакото место. Всушност, Кушинг бил единствениот жител во целото подрачје.^[1] До денес, на многумина им е нејасно како биле убедени членовите на МОК да ја прифатат кандидатурата на местото и како истото било изгласано за организација на игрите.Сепак, Меѓународниот олимписки комитет, на чело со Ејвори Брендиџ ја прифатил кандидатурата, а Кушинг започнал со активностите на обезбедување на гласови од јужноамериканските земји-членки на МОК, кои не биле многу заинтересирани за Зимските олимписки игри, а при изборот имале рамноправно право на глас.

Одлуката за организација на игрите била донесена на 50. седница на МОК, одржана на 16 јуни 1955 во Париз, а во конкуренција биле уште Инсбрук, Гармиш-Партенкирхен и Санкт Мориц. Во конкуренција на два града, во кои веќе биле организирани три Зимски олимписки игри, Скво Вели и Инсбрук останале во вториот круг, во кој за два гласа организацијата на игрите му била доделена на Скво Вели. Веднаш, по доделувањето на организацијата започнале да се гради поволна инфраструктура, голем број на терени и игралишта, хотели, ресторани и сл. Критките за големата надморска висина, лошата местоположба и недостигот на вештина се покажало дека биле само делумно оправдани, откако натпреварите завршиле.^[2] Дизајнерот на Олимписки терени, Вилијам Шефлер, четири дена се движел по планините, по што изјавил дека местотоо е достојно за создавање на Олимписки терени. Негова заслуга била работата за организирање на Зимските олимписки игри 1936, а неуморно се вклучил и во создавањето на потребните терени за овие игри.^[3] Сепак, патеките за алпско скијање и скијачко трчање биле толку тешки, така што настанале контроверзи.^[2]

Резултати од гласањето за избор на град-домаќин на Зимските олимписки игри 1960[4]
Град	Земја	Прв круг	Втор круг
Скво Вели	САД	30	32
Инсбрук	Австрија	24	30
Гармиш-Партенкирхен	Германија	5
Санкт Мориц	Швајцарија	3

• Евгени Гришин од Советскиот Сојуз освоил два златни медали во брзо лизгање, победувајќи во трката на 500 m и поделувајќи го златото на 1500 m со Роалд Ас од Норвешка. Во женска конкуренција, Лидија Скобликова освоила две злата во трките на 1500 и 3000 m.
• Во алпско скијање, Французинот Жан Варне победил во дисциплината спуст. Тој бил првиот натпреварувач, кој се натпреварувал со метални скии.^[1] Ан Хегтвејт од Канада го освоила златниот медал во женскиот слалом.
• Во биатлон, Клас Лестандер од Шведска станал првиот освојувач на златен медал во овој спорт на Олимписките игри, победувајќи во трката на 20 km, без ниту едно промашување на стрелиштето и со 15. најдобро време во светот.^[3]
• Во скијачко трчање, Финецот Веико Хакулинен освоил по еден златен, сребрен и бронзен медал, со што го завршил своето учество на Олимписките игри со освоени 7 медали. Иако заостанувал цели 20 s, тој успеал да се избори за првото место во штафетата 4х10 km.
• Хокеарската репрезентација на САД го освоила златниот медал.

На игрите биле доделени медали во 27 дисциплини во 4 спортови. Поради недостигот на патека за натпревари во боб, за прв и единствен пат натпревари во овој спорт не се одржале. На игрите бил воведен спортот биатлон, кој оттогаш станал редовен дел од Олимписката програма на сите Зимски олимписки игри. Демонстративни спортови повтроно немало.

Во продолжение е даден распоред на натпреварите по натпреварувачки денови.

			18	19	20	21	22	23	24	25	26	27	28	Вкупно
Церемонии			●										●
Биатлон						1								1
Алпско скијање					1	1	1	1	1		1			6
Брзо лизгање					1	1	1	1	1	1	1	1		8
Нордиска комбинација							1							1
Скијачко трчање				1	1			1		1	1	1		6
Скијачки скокови													1	1
Уметничко лизгање				1				1			1			3
Хокеј на мраз													1	1
Вкупно				2	3	3	3	4	2	2	4	2	2	27

Учество на игрите земале 665 спортисти од 30 земји. За првпат на Зимските олимписки игри учествувала Јужноафриканската Република.^[2] Спортистите од Западна и Источна Германија, повторно се натпреварувале како дел од Обединетиот тим на Германија.

Место	Земја	Злато	Сребро	Бронза	Вкупно
1	СССР	7	5	9	21
2	Германија	4	3	1	8
3	САД	3	4	3	10
4	Норвешка	3	3	0	6
5	Шведска	3	2	2	7
6	Финска	2	3	3	8
7	Канада	2	1	1	4
8	Швајцарија	2	0	0	2
9	Австрија	1	2	3	6
10	Франција	1	0	2	3

• Олимписки игри
• Зимски олимписки игри
• Меѓународен олимписки комитет

„Зимски олимписки игри 1960“ на Ризницата ?

• Скво Вели 1960, МОК

п р у Олимписки игри Летни Атина 1896 Париз 1900 Сент Луис 1904 Лондон 1908 Стокхолм 1912 1916 Антверпен 1920 Париз 1924 Амстердам 1928 Лос Анџелес 1932 Берлин 1936 1940 1944 Лондон 1948 Хелсинки 1952 Мелбурн 1956 Рим 1960 Токио 1964 Мексико 1968 Минхен 1972 Монтреал 1976 Москва 1980 Лос Анџелес 1984 Сеул 1988 Барселона 1992 Атланта 1996 Сиднеј 2000 Атина 2004 Пекинг 2008 Лондон 2012 Рио де Жанеиро 2016 Токио 2020 Париз 2024 Лос Анџелес 2028 Бризбејн 2032 Зимски Шамони 1924 Санкт Мориц 1928 Лејк Плесид 1932 Гармиш-Партенкихен 1936 1940 1944 Санкт Мориц 1948 Осло 1952 Кортина 1956 Скво Вели 1960 Инсбрук 1964 Гренобл 1968 Сапоро 1972 Инсбрук 1976 Лејк Плесид 1980 Сараево 1984 Калгари 1988 Албертвил 1992 Лилехамер 1994 Нагано 1998 Солт Лејк Сити 2002 Торино 2006 Ванкувер 2010 Сочи 2014 Пјонгчанг 2018 Пекинг 2022 Милано-Кортина 2026 Француски Алпи 2030 Солт Лејк Сити 2034 Антички олимписки игри Олимписки меѓуигри 1906 Параолимписки игри Младински олимписки игри