Малачки Проток

Малачки Проток
*Selat Melaka*
Малачки Проток; Selat Melaka
	Малачкиот Проток го поврзува Тихиот Океан на исток со Индискиот Океан на запад
Подрачје	Андаманско Море - Каримата
Координати	4°N 100°E / 4°N 100°E
Вид	проток
Сливни земји	Тајланд; Малезија; Сингапур; Индонезија
Прос. длабочина	25 м
Населени места	Список Малака; Порт Кланг; Пенанг; Медан; Пукет; Сатун; Сингапур; Ачех; Ријау ;

Малачки Проток (малајски: Selat Melaka, индонезиски: Selat Malaka) — тесна водна површина долга 805 км која се протега Малајскиот Полуостров и индонезискиот остров Суматра. Наречен е по Малачкиот Султанат кој заповедал со архипелагот од 1414 до 1511 г.

Граници

Според Меѓународната хидрографска организација границите на Малачкиот Проток се следниве:^[1]

На запад. Линија од Педропунт (најсеверната точка на Суматра, 5°40′N 95°26′E / 5.66°N 95.43°E / 5.66; 95.43) и Лем Воалан (јужниот крај на островот Пукет во Сијам [Тајланд], 7°45′N 98°18′E / 7.75°N 98.3°E / 7.75; 98.3).

На исток. Линија од ’ртот Танџинг Пиај (Булус) (јужниот крај на Малајскиот Полуостров, 1°16′N 103°31′E / 1.26°N 103.51°E / 1.26; 103.51) и Браќата (1°11′N 103°21′E / 1.19°N 103.35°E / 1.19; 103.35), а оттаму до Клајн Каримун (1°10′N 103°23′E / 1.16°N 103.39°E / 1.16; 103.39).
На север. Југозападниот брег на Малајскиот Полуостров.
На југ. Североисточниот брег на Суматра на исток сè до Танџонг Кедабу (1°06′N 102°58′E / 1.1°N 102.96°E / 1.1; 102.96), а оттаму до Клајн Каримун.

Стопанска важност

Од стопанска и стратешка гледна точка, Малачкиот Проток претставува еден од најважните водни патишта во светот.

Протокот е главен премин за бродскиот сообраќај помеѓу Индискиот и Тихиот Океан, поврзувајќи ги најголемите стопанства во Азија како Индија, Кина, Јапонија и Јужна Кореја. Годишно низ протокот поминуваат по 94.000^[2] бродови,^[3] и превезуваат една четвртина од трговската стока во светот како нафта, кинески производи и индонезиско кафе.^[4]

Нив Малачкиот Проток минува и една четвртина од нафтените танкери во светот, главно од земјите во Персискиот Залив кон големите азиски пазари како Кина, Јапонија и Јужна Кореја. Во 2006 низ теснецот се превезувале 15 милиони барели дневно (2.400.000 м³/ден).^[5]

Најголемите бродови што можат да поминат низ протокот се нарекуваат „малакамакс“. Протокот е длабок само 25 м, па затоа најголемите бродови (претежно нафтени танкери) не можат да поминуваат низ него. Бродовите што се поголеми од ова мораат да одат преку Ломбочкиот и Макасарскиот Проток, преминот Сибуту и Миндорскиот Проток.

Во Филипсовиот Канал во подрачјето јужно од Сингапур, Малачкиот Проток се стеснува до 2,8 км (1,5 морски милји), што претставува едно од најзначајните геостратешки тесни грла на светот.^[6]