Синичане

Синичане
Синичане Местоположба на Синичане во Македонија Синичане на карта
Координати 41°56′25″N 20°55′5″E / 41.94028°N 20.91806°E / 41.94028; 20.91806
Општина	Боговиње
Население	1.205 жит. (поп. 2021)[1]
Шифра на КО	28074, 28574
Надм. вис.	650 м
Синичане на општинската карта Атарот на Синичане во рамките на општината
Синичане на Ризницата

Синичане — село во Општина Боговиње, во околината на градот Тетово.

Селото се наоѓа во областа Долни Полог, оддалечено 12 километри јужно од Тетово. Селото речиси целосно е споено со соседните села Камењане на север и општинскиот центар Боговиње на југ. Се наоѓа на надморска височина од 650 метри. Атарот е мошне мал и зафаќа простор од 2,6 км². На него преовладува обработливо земјиште на површина од 149 ха, па затоа селото има полјоделска функција.^[2]

Селото се споменува во турските пописни дефтери од 1467/68 година, како дел од Нахијата Калканделен (Nahiye-I Kalkandelen) и имало 52 христијански семејства и 2 неженети христијани.^[3]

Според статистиката на Васил К’нчов („Македонија, Етнографија и статистика“) од 1900 година, во Синичане живееле 220 жители, сите Албанци.^[4]

Според Афанасиј Селишчев во 1929 година, Синичане — село во Долнопалчишка општина во Долнополошкиот срез и има 68 куќи со 395 жители, Албанци.^[5]

Според германска карта издадена во 1941 година, а заснована на пописот на Кралство Југославија во 1931 година, селото имало 400 Албанци.^[6]

Според пописот од 2002 селото брои 1.472 жители, од кои 1.469 Албанци и 3 останати.^[7]

Според последниот попис од 2021 година, во селото живееле 1.205 жители, од кои 1.155 Албанци и 50 лица без податоци.^[8]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Во селото постојат избирачките места бр. 2050 и 2050/1 според Државната изборна комисија, сместени во просториите на основното училиште.^[13]

На претседателските избори во 2019 година, на овие избирачки места биле запишани вкупно 1.327 гласачи.^[14]

• Синичане на Ризницата

Оваа статија за место во Македонија е никулец. Можете да помогнете со тоа што ќе ја проширите. п р у

п р у Населени места во Општина Боговиње Боговиње Горно Палчиште Горно Седларце Долно Палчиште Жеровјане Јеловјане Камењане Новаќе Ново Село Пирок Раковец Селце Кеч Синичане Урвич Нови Калник Чифлик Калник и Чифлик биле прогласени за самостојни села во 2014 година согласно Закон, но не биле вклучени во Пописот од 2021 година