Жеровјане

**Жеровјане**
	Жеровјане
	Панорама на Жеровјане;
	Жеровјане Местоположба на Жеровјане во Македонија Жеровјане на карта
	Координати 41°54′55″N 20°56′52″E / 41.91528°N 20.94778°E
Општина	Боговиње
Население	891 жит.; (поп. 2021)
Пошт. бр.	1213
Шифра на КО	28029
Надм. вис.	456 м
	Жеровјане на општинската карта ; Атарот на Жеровјане во рамките на општината
	Жеровјане на Ризницата

Жеровјане — село во Општина Боговиње, во околината на градот Тетово.

Географија и местоположба

Селото се наоѓа во северозападниот дел на Македонија, во областа Долни Полог, оддалечено 13 километри од градот Тетово.

Историја

Според пописот на бугарскиот етнограф Васил К’нчов од 1900 година, во селото Жаровјани забележани се 60 христијани (Македонци).

Стопанство

Население

Население во минатото

Година	Нас.	±%
1948	338	—
1953	398	+17.8%
1961	523	+31.4%
1971	658	+25.8%
1981	862	+31.0%

Година	Нас.	±%
1991	16	−98.1%
1994	861	+5281.2%
2002	914	+6.2%
2021	891	−2.5%

По Балканските војни е забележано со 65 жители.^[2]

Според германска карта издадена во 1941 година, а заснована на пописот на Кралство Југославија во 1931 година, селото имало 200 Албанци.^[3]

На пописот од 2002 година, селото имало 914 жители, од кои 3 Македонци, 907 Албанци и 4 Турци.^[4]

Според последниот попис од 2021 година, во селото живеел 891 жител, од кои 881 Албанец и 10 лица без податоци.^[5]

На табелата е прикажан националниот состав на населението низ сите пописни години:^[6]

Година	Македонци	Албанци	Турци	Роми	Власи	Срби	Бошњаци	Ост.	б.п.	Вкупно
1948	—	—	—	—	—	—	—	—	—	338
1953	5	342	51	—	—	—	...	—	—	398
1961	31	268	214	...	...	—	...	10	—	523
1971	43	599	12	—	...	—	...	4	—	658
1981	24	832	—	—	—	2	...	4	—	862
1994	18	838	3	1	—	—		1	—	861
2002	3	907	4	—	—	—	—	—	—	914
2021	0	881	0	0	0	0	0	0	10	891

Родови

Жеровјане е денес предоминантно албанско село. А порано во селото имало и Турци и Македонци.

Според истражувањата од 1948 година, родови во селото:

Турски

Азнетар (2 к.) доселени се од Анадолија. Во Жеровјане се доселиле преку Тетово. Они се најстари муслимани во селото. Доселени се во крајот на XIX век.
Коџа Бег (2 к.) доселени се од Турција. Поради брачни врски со Албанците почнале да зборуваат и албански.
Леко (1 к.) доселени се од селото Врапчиште. Таму припаѓале на големиот род Леко, иако зборуваат турски, и се изјаснуваат за Турци. Нивното потекло е од Љума во северна Албанија.

Албански

Маџар (4 к.) доселени се од селото Горјане. Подалечно потекло од Љума во северна Албанија.
Муртезан (3 к.) доселени се од селото Церово.
Дерала (1 к.) доселени се од селото Градец. Таму имаат истоимени роднини.
Рамалар (1 к.) доселени се од селото Горјане.
Река (1 к.) доселени се од селото Раковец.
Љок (1 к.) доселени се од селото Чегране.
Суфе (3 к.) доселени се од селото Теново.
Ндрече (2 к.) доселени се од селото Градец.
Пелелеси (1 к.) доселени се од селото Чегране.
Матњан (1 к.) доселени се од селото Форино.
Бодин (1 к.) доселени се од селото Ломница.
Зибер (1 к.) доселени се од селото Градец.
Хосе (7 к.) доселени се од селото Ново Село.
Дервиш или Јусуф (4 к.) доселени се од селото Рогле.
Беќир (1 к.) доселени се од селото Групчин.
Идризи (1 к.) доселени се од селото Бојане.
Емрула (1 к.) доселени се од селото Горанце кај Качаник во Косово.
Зиза или Ибиш (3 к.) доселени се од селото Боговиње.
Бакиалар (1 к.) доселени се од селото Добри Дол.

Македонски

Аврам Станкоски (1 к.) Аврам се доселил со семејството во 1912 година од селото Јабланица кај Струга. Таму припаѓал на родот Лековци. Од Жеровјане имале иселеници во Скопје.^[7]

Општествени установи

Самоуправа и политика

Избирачко место

Во селото постои избирачкото место бр. 2058 според Државната изборна комисија, сместени во просториите на основното училиште.^[8]

На претседателските избори во 2019 година, на ова избирачко место биле запишани вкупно 669 гласачи.^[9]

Културни и природни знаменитости

Редовни настани

Личности

Абдираим Идризи (р. 10 јули 1950 ) - косовски писател на албански јазик

Култура и спорт

Иселеништво

Наводи

↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
↑ Речник места у Ослобођеној области Старе Србије. Белград. 1914. стр. 140.
↑ „200K Volkstumskarte Jugoslawien“.
↑ Попис на населението, домаќинствата и становите во Република Македонија, 2002 - Книга X
↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
↑ Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат Архивирано на 10 декември 2021 г.. Државен завод за статистика.
↑ Трифуноски, Јован (1976). Полог: антропогеографска проучавања. Белград: САНУ.
↑ „Описи на ИМ“. Архивирано од изворникот на 2023-08-17. Посетено на 3 ноември 2019.
↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.