Триатлон на Летните олимписки игри 2020

Триатлон на Летните олимписки игри 2020
Квалификации
Дисциплини
	мажи			жени			мешано

Натпреварите во триатлон на Летните олимписки игри 2020 во Токио се одржаа од 26 до 31 јули 2021 година. Олимписките игри првично биле планирани да се одржат во 2020 година, но биле преместени за 2021 година како резултат на пандемијата од КОВИД-19.^[1][2] По педесет и пет спортисти се натпреварувале во две конкуренции. За прв пат на програмата била вклучена и мешана тимска дисциплина.^[3]

Олимискиот триатлон се состои од три компоненти; 1.5 км пливање, 40 км возење велосипед и 10 км трчање.^[4] Натпреварувањето се состои од еден натпревар без квалификации.

Новата мешана тимска дисциплина вклучува тим од четири триатлонци (двајца мажи и две жени). Секој триатлонец плива 300 м, вози велосипед 8 км и трча 2 км во штафетен формат.^[3]

Квалификацискиот период траел од 11 мај 2018 година до 11 мај 2020 година. Вкупно 110 натпреварувачи (55 во двете конкуренции) обезбедуваат место на игрите, притоа националните олимписки комитети можат да пријават по три натпреварувачи во двете конкуренции. Квалификациските места се доделуваат најпрво преку ИТУ мешаниот ранкинг од 31 март 2020 година, каде седум национални комитети добиваат по четири места (по две во двете конкурекции). Три останати национални олимписки комитети можат да добијат по четири места на мешаниот олимписки квалификациски турнир во 2020 година. Следно, предвид се земаат поединечните рангирања од 11 мај 2020 година, каде што најдобрите 26 натпреварувачи во двете конкурекции обезбедуваат место на олимпискиот турнир. Едно дополнително место за секој континент го добива највисоко рангираниот натпреварувач од тој НОК кој сè уште не квалификувал свој натпреварувач. Домаќинот, Јапонија, добива две гарантирани места во двете конкуренции. Последните две места се пополнуваат преку специјална покана од трипартитната комисија.^[5]

Сите саатници се според јапонското стандардно време (UTC+9). ^[6][7]

Место	Земја	Злато	Сребро	Бронза	Вкупно
1	Велика Британија	1	2	0	3
2	Норвешка	1	0	0	1
	Бермуда	1	0	0	1
4	САД	0	1	1	2
5	Нов Зеланд	0	0	1	1
	Франција	0	0	1	1
Вкупно		3	3	3	9

Дисциплина	Злато		Сребро		Бронза
Мажи подробно	Кристијан Блуменфелт	1:45:04	Алекс Ји	1:45:15	Хајден Вајлд	1:45:24
Жени подробно	Флора Дафи	1:55:36	Џорџија Тејлор-Браун	1:56:50	Кејти Заферес	1:57:03
Мешано подробно	Велика Британија Џесика Лирмонт Џони Браунли Џорџија Тејлор-Браун Алекс Ји	1:23:41 OB	САД Кејти Заферес Кевин Мекдауел Тејлор Книб Морган Пирсон	1:23:55	Франција Леони Периол Доријан Конанкс Касандра Богран Винсен Луис	1:24:04