Црква „Св. Атанасиј Велики“ - Негорци

Свети Атанасиј Велики
Поглед на црквата
македонска православна црква
Епархија	Повардарска
Архијерејско намесништво	Гевгелиско
Парохија	Негорска
Местоположба
Координати	41°11′01.2″N 22°28′45.4″E / 41.183667°N 22.479278°E / 41.183667; 22.479278
Место	Негорци
Општина	Гевгелија
Држава	Македонија
Општи податоци
Покровител	Атанасиј Александриски
Изградба	XIX век
Зограф	непознат
Архитектонски опис
Архит. тип	трикорабна

Свети Атанасиј — главна селска црква во гевгелиското село Негорци. Воедно, црквата претставува парохиски храм на Негорската парохија на МПЦ-ОА.

Црквата се наоѓа на самото сретсело.

Црквата е изградена во XIX век од непознат градител, но целосно била обновена во 1996 година, така што денес објектот изгледа како новоизграден.^[1]

Градбата на црквата е трикорабна, со рамни дрвени тавани, при што средишниот кораб ги надвишува двата странични кораба. Покривната конструкција е изградена на две води и е потпрена на осум столбови, распоредени во два реда со по четири столба во јужниот и западниот дел на наосот. Средишниот, главниот кораб на таванот е украсен со квадратни полиња, а насликана е и фреска со ликот на Исус Христос Седржител. Кон западната страна на црквата е доградена припрата која е одвоена од наосот, додека на источната страна црквата завршува со полукружна олтарна апсида со декоративни ниши. Во припратата се сместени неколку значајни икони, а сочувано е и крило од царските двери кои потекнуваат од XIX век. Внатрешноста на црквата е живописана од непознат зограф.^[1]

Дворот на црквата е со голема површина и е ограден. Во него е сместена камбанаријата, како и помошен објект во изградба. Камбанаријата се наоѓа во југозападниот дел од црквата и е прилепена до западната страна од храмот. Таа има осумаголна основа, при што јужната, северната, западната и источната страна се со значително поголема површина. На секоја од нив има по три вертикално поставени монофори.

• 
  Камбанаријата
• 
  Поглед на црквата

• Негорци
• Повардарска епархија
• Гевгелиско архијерејско намесништво
• Негорска парохија

• Црква „Св. Атанасиј Велики“ - Негорци на Ризницата ^?

п р у Цркви во Општина Гевгелија „Рождество на Пресвета Богородица“ (Богородица)  • „Св. Атанасиј“(Габрово)  • „Св. Кирил и Методиј“ (Гевгелија)  • „Вознесение Христово“ (Гевгелија)  • „Рождество на Пресвета Богородица“ (Давидово)  • „Св. Илија“ (Давидово)  • „Св. Димитриј“ (Кованец)  • „Св. Димитриј“ (Конско)  • „Св. Петка“ (Милетково)  • „Св. Константин и Елена“ (Миравци)  • „Св. Архангел Михаил“ (Моин)  • „Св. Константин и Елена“ (Мрзенци)  • „Св. Атанасиј“ (Негорци)  • „Св. Димитриј“ (Ново Конско)  • „Вознесение Христово“ (Петрово)  • „Св. Атанасиј“ (Петрово)  • „Св. Илија“ (Петрово)  • „Св. Петка“ (Прдејци)  • „Св. Ѓорѓи“ (Серменин)  • „Св. Илија“ (Серменин)  • „Св. Димитриј“ (Смоквица)  • „Св. Илија“ (Смрдлива Вода)  • „Св. Пантелејмон“ (Ума) Општина Гевгелија