မြန်မာ့ခရီးသွားဘဏ်

မြန်မာ့ခရီးသွားဘဏ်
Myanma Tourism Bank

အမျိုးအစား	ပုဂ္ဂလိကဘဏ်
လုပ်ငန်း	ဘဏ်
တည်ထောင်သည့်နှစ်	၆ မေ ၂၀၁၉
ဌာနချုပ်	ရန်ကုန်၊  မြန်မာ
အရေးပါ ပုဂ္ဂိုလ်များ	ဦးရန်ဝင်း (ဥက္ကဋ္ဌ)

မြန်မာ့ခရီးသွားဘဏ် (အင်္ဂလိပ်: Myanma Tourism Bank; အတိုကောက် MTB)သည် မြန်မာနိုင်ငံရှိ ပုဂ္ဂလိကဘဏ်တစ်ခုဖြစ်ပြီး ခရီးသွားလုပ်ငန်းများနှင့် ဆက်စပ်နေသည့် ဘဏ်တစ်ခုဖြစ်သည်။^[၁] ဘဏ်ရုံးချုပ်ကို ရန်ကုန်မြို့ ၊ ပြည်လမ်းမကြီးပေါ်ရှိ စိုက်ပျိုးရေးမှတ်တိုင်အနီးတွင် ဖွင့်လှစ်ထားသည်။^[၂] ၂၀၂၂ စက်တင်ဘာလနောက်ဆုံးစာရင်းများအရ ရန်ကုန်၊ မန္တလေး၊ နေပြည်တော်၊ မူဆယ်နှင့် မြဝတီ စသည့်မြို့များတွင် စုစုပေါင်းဘဏ်ခွဲ ၁၂ ခုဖြင့် ဘဏ်လုပ်ငန်းများဆောင်ရွက်နေသည်။^[၃][၄]

မြန်မာ့ခရီးသွားဘဏ်သည် မြန်မာနိုင်ငံတော်ဗဟိုဘဏ်မှ ၂၀၁၈ တွင် ဘဏ်လုပ်ငန်းလိုင်စင်ကို ရရှိခဲ့သည်။ ဘဏ်ရုံးချုပ်ကို ၂၀၁၉ ခုနှစ် မေလ ၆ ရက်နေ့က ရန်ကုန်တွင် ဖွင့်လှစ်ခဲ့သည်။ ခရီးသွားလုပ်ငန်းများနှင့်ဆက်စပ်နေသည့် ဘဏ်ဖြစ်သည့်အလျောက် မြန်မာနိုင်ငံ၏ခရီးသွားကဏ္ဍအား ချေးငွေများ အဓိကထား ထုတ်ပေးသည်။^[၅][၆] ယင်းအပြင် အခြားသောစီးပွားရေးကဏ္ဏများကိုပါ ငွေကြေးအရကူညီထောက်ပံ့မှုလည်း ဆောင်ရွက်သည်။