Revèl

Revèl; Revel
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	Las cornièras amb son campanal.
	Armas
	Armas
	Geografia fisica
Coordenadas	43° 27′ 34″ N, 2° 00′ 17″ E
Superfícia	35,31 km²
Altituds; · Maximala; · Mejana; · Minimala	; 381 m; 208 m; 179 m
	Geografia politica;
País	Lengadòc;
Parçan	Lauragués;
Estat	França;
Region; 76	Occitània , ancianament de Miègjorn-Pirenèus;
Departament; 31	Nauta Garona ;
Arrondiment; 313	Tolosa;
Canton; 3125	Revèl (caplòc);
Intercom; 243100567	Comunautat de comunas de Lauragués Revèl Soresan (residéncia);
Cònsol	Etienne Thibault ; (2017-2020)
	Geografia umana
Populacion; Populacion totala; (2018)	9 610 ab. Evolucion de la populacion; 9 916 ab.
Densitat	265,19 ab./km²
	Autras informacions
Gentilici	Revelois, Reveloises (en francés)
Còde postal	31250
Còde INSEE	31451

Non confondre amb Revèl (Valadas Occitanas) e Revel.

Vila d'Occitània

Revèl^[1] (Revel en francés) es una comuna lengadociana, situada dins lo departament de la Nauta Garona e la region administrativa d'Occitània, ancianament de Miègjorn-Pirenèus.

Geografia

Aquesta seccion es voida, pas pro detalhada o incompleta. Vòstra ajuda es benvenguda !

Perimètre del territòri

Comunas confrontantas de **Revèl**
En Garravacas (Tarn), Montjuèi (Tarn), Nogaret	Palavila, Blan (Tarn)	Bèlasèrra (Tarn)
Montagut de Lauragués, Sant Felitz de Lauragués		Sorese (Tarn)
La Pomareda (Aude)	Vaudrulha	Les Brunèls (Aude)

Toponimia

Dauzat e Rostaing explican lo nom de Revèl per l'ancian occitan revèl (latin rebellem), « revòlta », aplicat a un castèl ^[2]. Lo Petit Levy pòrta : revèl, reb-, « rebelle » (adjectiu); revèl « opposition, résistance; divertissement » (substantiu masculin) ^[3].

Istòria

Pendent l'Ancian Regime, Revèl èra de la diocèsi civila de Tolosa, doncas de la província de Lengadòc e de la senescauciá de Lauragués. Le vocable de la glèisa de Revèl es Nòstra Dòna de Gràcia. La comunautat de Revèl èra despartida entre la diocèsi de La Vaur (parròquias de Revèl, Calvayrac, Couffinal, Vauré) et de Sant Pàpol (Dreuilhe). En 1790, lo nom èra Revel, Couffinals et Vauré. Dreuilhe fosquèc comuna, puèi incorporada a Revèl en l'an IV. En 1790, Revèl èra caplòc de canton e de districte ^[4].

Calvayrac, o probablament en occitan Calvairac èra una parròquia de la diocèsi de La Vaur^[5]. Sus la mapa de Cassini, le nom es escrit St-Pierre de Calvairac a l'oèst de Revèl e al nòrd de Dreuilhe. La mapa modèrna mòstra simplament St-Pierre, ambe una glèisa e un cementèri.

Couffinal o Couffinals (probablament Cofinals en occitan) èra una parròquia de la diocèsi de La Vaur e de la senescauciá de Lauragués. Le vocable de la glèisa èra Sant Andrieu ^[6]. Sus la mapa de Cassini, le nom es escrit Coufinal, a l'oèst de Dreuilhe (Coufinals sus la mapa modèrna, a l'oèst de la RD 624) e pareis pas coma lo d'una parròquia.

Vauré (probablament Vaure en occitan) èra una parròquia de la diocèsi de La Vaur e de la senescauciá de Lauragués. Le vocable de la glèisa, annèxa de Revèl, èra Sant Sarnin ^[7]. Vaure es al nòrd de l'aglomeracion de Revèl, près de la RD 79f e garda sa glèisa e son cementèri.

Dreuilhe, (probablament Drulha en occitan) èra una parròquia de la diocèsi de Sant Pàpol e de la senescauciá de Lauragués, dins la comunautat de Revèl. Le vocable de la glèisa èra Sant Sarnin, ara Santa Crotz. Fosquèc comuna entre 1790 e l'an III, puèi suprimida e incorporada a Revèl en l'an IV ^[8]. Drulha es al sud-oèst de Revèl e garda sa glèisa e son cementèri.

Administracion

Lista dels cònsols successius
Periòde		Identitat	Etiqueta	Qualitat
6 de novembre 2017	2020	Étienne Thibault	divèrs dreta	retirat de la Marina Nacionala
març 1989	31 d'octobre 2017	Alain Chatillon	UDI (incorporat al grop LR al Senat)	senator dempuèi 2008
abrial 1974	1989	Jean Ricalens	PS	conselhièr general
setembre 1944	1974	Roger Sudre	SFIO puèi PS	conselhièr general
	1944
Totas las donadas non son pas encara conegudas.