Las fòrmas ancianas son : Balaidsvila al sègle XII, de Balazvila en 1197, de Balaidsvila en 1200 [5],[6].
Le nom es format d'un nom germanic d'òme e del [resultat del] latin villa. Dauzat e Rostaing estiman qu'aquel nom es Balahaidis[5] e Negre causís Balhedus [foneticament pas tant aisit], en precisant que -s finala es adventícia [6].
Se la fòrma del nom es corrècta, *Balaivila a conegut l'atraccion de Bèlas vilas, çò qu'explica la finala plurala. La mapa de Cassini pòrta dejà Vallesvilles o Belleville.
Le Pujolet
Le Pujolet (doble diminutiu de puèg) es mai que mai le nom d'un castèl sus una tuca.
Istòria
Pendent l'Ancian Regime, Bèlasvilas èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Le vocable de la glèisa èra Sant Martin. Tanlèu 1790, èra del canton de Lantar[7].
Pendent l'Ancian Regime, Le Pujolet, comunautat non parròquia, èra de la diocèsi civila de Tolosa, doncas de la província de Lengadòc, de la generalitat de Tolosa e de la senescauciá de Tolosa. Tanlèu 1790, èra del canton de Lantar. La comuna del Pujolet fosquèc incorporada a Bèlasvilas, d'en primièr temporàriament en l'an VIII (restablida en l'an X), puèi definitivament per ordenança del 6 de febrièr 1847 [8].
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
.svg){kind=small}
.svg){kind=small}
.svg){kind=small}
