Lo nom es atestat en 1185 Sancti Amandi. La prononciacion es [sɛ̃ t a'mɑ̃ maɲa'zej] [1].
Segon Dauzat e Rostaing, Sent Amand representa lo nom latin Amandus, nom de cinc personas, dont un evesque de Bordèu au segle V [2].
Segon Negre, lo nom era Amandus, un daus onze de l'Acta Sanctorum [3].
Segon Ives Lavalada, 'queu Amandus era un ermita dau segle VI [1]. Manhasés ven dau nom de Manhac la Vau : Manhac emb lo resultat dau sufixe -ensis[1].
La Bussiera Rapin (o Rapit)
Lo determinant (nom de senhor ?) es pas segur. Bussiera es coma las autras Bussieras. Ven dau latin buxaria, format de buxus, lo buis, e dau sufixe -aria, luec (luec) ente i a beucòp de buis (bois, beneit, ausanier, rampam...) [4],[5]. Lo buis se plai sus un sòu calcari o marca una ocupacion anciana e, en Lemosin, daus sites arqueologics, sovent gallo-romans [6],[7].
Istòria
En 1829, La Bussière-Rapy (nom francés) fuguet estachat a Sent-Amand-Manhasés [8]. Es a l'est de Sent Amand e de l'A20 e au nòrd de Fromentau.
.svg){kind=small}
