இணைகேடய இயக்குநீர்

இணைகேடய இயக்குநீர் [Parathyroid hormone (PTH)], இணைகேடய சுரப்பியின் முதன்மை உயிரணுக்களால் 84 அமினோ அமிலங்களைக் கொண்ட பல்புரதக் கூறாகச் சுரக்கப்படுகின்றது. இது, இரத்த கால்சிய (Ca²⁺) செறிவை அதிகரிக்கின்றது. ஆனால், தைராய்டு சுரப்பியின் பக்க நுண்குமிழ் உயிரணுக்களால் உருவாக்கப்படும் கால்சிடோனின் கால்சிய (Ca²⁺) செறிவைக் குறைக்கின்றது. இணைகேடய இயக்குநீர் முதல் ஏற்பி (parathyroid hormone 1 receptor; எலும்பு மற்றும் சிறுநீரகத்தில் அதிக அளவு உள்ளது) மற்றும் இணைகேடய இயக்குநீர் இரண்டாம் ஏற்பிகளின் (parathyroid hormone 2 receptor; மைய நரம்பு மண்டலம், கணையம், விந்தகம் மற்றும் நஞ்சுக்கொடியில் அதிக அளவு உள்ளது) மீது செயற்படுவத்தின் மூலம் இந்த இயக்குநீர் இரத்த கால்சியச் (Ca²⁺) செறிவை அதிகரிக்கின்றது^[2],^[3],^[4]. இணைகேடய இயக்குநீரின் அரைவாழ்நாள் தோராயமாக நான்கு நிமிடங்களாகும்^[5]. இதன் மூலக்கூற்று நிறை 9.4 கிலோடால்டன்களாகும்^[6].