இலந்தனம் ஆஃப்னேட்டு

இலந்தனம் ஆஃப்னேட்டு (Lanthanum hafnate) என்பது La₂Hf₂O₇ என்ற மூலக்கூற்று வாய்ப்பாடு கொண்ட ஒரு கனிம வேதியியல் சேர்மமாகும். இலந்தனம் ஆஃபினியம் ஆக்சைடு என்ற பெயராலும் இச்சேர்மம் அழைக்கப்படுகிறது. இலந்தனம், ஆஃபினியம் ஆகிய தனிமங்களின் கலப்பு ஆக்சைடு என்று இது வகைப்படுத்தப்படுகிறது.

இலந்தனம் ஆஃப்னேட்டு நிறமற்ற ஒரு பீங்கான் பொருளாகும்.^[2] இலந்தனம் அணுக்களும் ஆஃப்னியம் அணுக்களும் கனசதுர அணிக்கோவையில் அடுக்கப்பட்டுள்ளன. 1000 பாகை செல்சியசு வெப்பநிலைக்கு (1,270 கெல்வின்; 1,830 °பாரங்கீட்டு) கீழ் இந்த கட்டமைப்பு உருக்குலைந்த புளோரைட்டு வகை கட்டமைப்பாக இருக்கும். 1000 பாகை செல்சியசு வெப்பநிலைக்கு மேலான வெப்பநிலையில் இது பைரோகுளோர் கட்டத்திற்கு மாறுகிறது. 800 °[செல்சியசு]] வெப்பநிலைக்கு (1,070 கெல்வி; 1,470 °பாரங்கீட்டு) கீழே இது படிக உருவமற்றும் காணப்படுகிறது.^[3][4]

18 கிகா பாசுக்கல் அழுத்தத்தில் இலந்தனம் ஆஃப்னேட்டு இதன் உட்பொதிந்துள்ள ஆக்சைடுகளாக சிதைவடைகிறது.^[5]

அடிப்படைப் பொருளில் உள்ள ஆக்சிசன் காலியிடங்கள், 460 நானோமீட்டருக்கு அருகில் உச்சத்துடன், புலப்படும் ஒளி நிறமாலை முழுவதும் ஒளிர்வைக் கொடுக்கின்றன.^[6] ஒளிர்வுப் பண்புகளை பல்வேறு அரிய பூமி மற்றும் குழு 4 உலோகங்கள் மூலம் கலப்பு செய்து இலேசான மாற்றங்களை செய்ய முடியும்.^[7][8] உதாரணமாக, La₂Hf₂O₇:Eu³⁺ நானோ துகள்கள் புற ஊதா அல்லது எக்சு கதிர் வீச்சுக்கு வெளிப்படும் போது 612 நானோமீட்டருக்கு அருகில் ஒளி ஒளிர்தல் அல்லது கதிரியக்க ஒளிர்தலை வெளியிடுகிறது.^[9]

தனிமங்களை தூள் வடிவில் எரிப்பதன் மூலம் மொத்தமாக பீங்கானைப் பெற முடியும். பின்னர் பொடியை 180 மெகாபாசுக்கல் மற்றும் 1,850 °செல்சியசு (2,120 கெல்வின்; 3,360 °பாரங்கீட்டு) வெப்பநிலையில் 6 மணி நேரத்திற்கு அழுத்தியும் சூடுபடுத்திப் பிணைத்தும் தயாரிக்கலாம்.:^[2]

4 La + 4 Hf + 7O₂ → 2 La₂Hf₂O₇

கரைசலில் இருந்து ஆஃபினியம் மற்றும் இலந்தனம் ஐதராக்சைடுகளை வீழ்படிவாக்கி பின்னர் 600–1,400 °செல்சியசு வெப்பநிலையில் (873–1,673 கெல்வின்; 1,112–2,552 °பாரங்கீட்டு) காற்றில் 3 மணி நேரம் சுடுவதன் மூலமும் இதை தயாரிக்கலாம்:

2 La(OH)₃ + 2 Hf(OH)₄ → La₂Hf₂O₇

+ 7 H₂O.

1. ↑ ^{1.0 1.1} None Available (2020). Materials Data on La2Hf2O7 by Materials Project. Materials Project. doi:10.17188/1188964. https://materialsproject.org/materials/mp-12533/. பார்த்த நாள்: 30 April 2021. 
2. ↑ ^{2.0 2.1} Ji, Yaming; Jiang, Danyu; Fen, Tao; Shi, Jianlin (March 2005). "Fabrication of transparent La2Hf2O7 ceramics from combustion synthesized powders". Materials Research Bulletin 40 (3): 553–559. doi:10.1016/j.materresbull.2004.10.010. 
3. ↑ Popov, V V; Menushenkov, A P; Yastrebtsev, A A; Zubavichus, Ya V (September 2016). "La 2 Hf 2 O 7 crystal and local structure changes on the fluorite - pyrochlore phase transition". Journal of Physics: Conference Series 747 (1): 012043. doi:10.1088/1742-6596/747/1/012043. Bibcode: 2016JPhCS.747a2043P. 
4. ↑ Blanchard, Peter E. R.; Liu, Sam; Kennedy, Brendan J.; Ling, Chris D.; Avdeev, Max; Aitken, Jade B.; Cowie, Bruce C. C.; Tadich, Anton (7 February 2013). "Investigating the Local Structure of Lanthanoid Hafnates Ln 2 Hf 2 O 7 via Diffraction and Spectroscopy". The Journal of Physical Chemistry C 117 (5): 2266–2273. doi:10.1021/jp311329q. 
5. ↑ Garg, Nandini; Pandey, K. K.; Murli, Chitra; Shanavas, K. V.; Mandal, Balaji P.; Tyagi, A. K.; Sharma, Surinder M. (13 June 2008). "Decomposition of lanthanum hafnate at high pressures". Physical Review B 77 (21): 214105. doi:10.1103/PhysRevB.77.214105. Bibcode: 2008PhRvB..77u4105G. 
6. ↑ Eagleman, Yetta; Weber, Marvin; Derenzo, Stephen (May 2013). "Luminescence study of oxygen vacancies in lanthanum hafnium oxide, La2Hf2O7". Journal of Luminescence 137: 93–97. doi:10.1016/j.jlumin.2012.10.034. Bibcode: 2013JLum..137...93E. 
7. ↑ Gupta, Santosh K.; Zuniga, Jose P.; Abdou, Maya; Thomas, Melonie P.; De Alwis Goonatilleke, Manisha; Guiton, Beth S.; Mao, Yuanbing (January 2020). "Lanthanide-doped lanthanum hafnate nanoparticles as multicolor phosphors for warm white lighting and scintillators". Chemical Engineering Journal 379: 122314. doi:10.1016/j.cej.2019.122314. Bibcode: 2020ChEnJ.37922314G. https://scholarworks.utrgv.edu/chem_fac/137. 
8. ↑ Trojan-Piegza, Joanna; Zych, Eugeniusz (March 2021). "White persistent luminescence of La2Hf2O7:Ti,Pr". Optical Materials 113: 110896. doi:10.1016/j.optmat.2021.110896. Bibcode: 2021OptMa.11310896T. 
9. ↑ Wahid, Kareem; Pokhrel, Madhab; Mao, Yuanbing (January 2017). "Structural, photoluminescence and radioluminescence properties of Eu3+ doped La2Hf2O7 nanoparticles". Journal of Solid State Chemistry 245: 89–97. doi:10.1016/j.jssc.2016.10.004. Bibcode: 2017JSSCh.245...89W.