ஓசுமியம் அயோடைடு

ஓசுமியம் அயோடைடு (Osmium iodide) OsI_n என்ற மூலக்கூற்று வாய்ப்பாட்டில் அமைந்த எந்த்வோர் ஓசுமியம் சேர்மத்தையும் குறிக்கும். பல ஓசுமியம் அயோடைடுகள் இருப்பதற்கான சாத்தியம் இருந்தாலும் ஓசுமியம் டெட்ரா அயோடைடு மட்டுமே எக்சு கதிர் படிகவியல் ஆய்வுகளில் சரிபார்க்கப்பட்டுள்ளது.^[1]^[2]

ஓசுமியம்(I) அயோடைடு

ஓசுமியம்(I) அயோடைடு என்பது OsI என்ற மூலக்கூற்று வாய்ப்பாடுடன் கூடிய ஓசுமியத்தின் அயோடைடு சேர்மம் ஆகும். ஓசுமியம் டெட்ராக்சைடுடன் ஐதரோ அயோடிக் அமிலத்தைச் சேர்த்து கார்பன் டை ஆக்சைடு சூழலில் தண்ணீரில் சூடேற்றப்பட்டால் ஓசுமியம்(I) அயோடைடு உருவாகிறது. சாம்பல் நிறத்தில் படிக உருவமற்ற உலோகமாக இது காணப்படுகிறது.

ஓசுமியம்(II) அயோடைடு

ஓசுமியம்(II) அயோடைடு என்பது OsI₂ என்ற மூலக்கூற்று வாய்ப்பாடுடன் கூடிய ஓசுமியத்தின் அயோடைடு சேர்மம் ஆகும். ஓசுமியம் டெட்ராக்சைடுடன் ஐதரோ அயோடிக் அமிலத்தைச் சேர்த்து நைட்ரசன் முன்னிலையில் 250 பாகை செல்சியசு வெப்பநிலையில் வினைபுரியச் செய்தால் கருப்பு நிற திண்மமாக இது உருவாகிறது.:^[2]

OsO₄ + HI → OsI₂ + H₂O

நீருடன் தொடர்பு கொள்ள நேரிட்டால் ஓசுமியம்(II) அயோடைடு சிதைவடைகிறது.^[3]

ஓசுமியம்(III) அயோடைடு

ஓசுமியம்(III) அயோடைடு என்பது OsI₃ என்ற மூலக்கூற்று வாய்ப்பாடுடன் கூடிய ஓசுமியத்தின் அயோடைடு சேர்மம் ஆகும். ஆறயோடோ ஓசுமிக் அமிலத்தைச் (H₂OsI₆) சூடாக்கி இதை தயாரிக்கலாம்.^[2] கருப்பு நிறத்தில் காணப்படும் இது தண்ணீரில் கரையாது.^[3]

ஓசுமியம்(IV) அயோடைடு OsI₄ என்ற மூலக்கூற்று வாய்ப்பாடுடன் கூடிய ஓசுமியத்தின் அயோடைடு சேர்மம் ஆகும். ஓசுமிக் அமிலத்துடன் (H₄OsO₆) ஐதரோ அயோடிக் அமிலத்தைச் சேர்த்து வினைபுரியச் செய்தால் ஓசுமியம்(IV) அயோடைடு உருவாகிறது.^[4] ஆனால் மீண்டும் தயாரிக்க முற்படுகையில் ஈரைதரோ ஆக்சோனியம் ஆறயோடோ ஓசுமேட்டு உருவானது. இதை சூடுபடுத்தினால் ஓசுமியம்(IV) அயோடைடுக்குப் பதிலாக ஓசுமியம்(I) அயோடைடு, ஓசுமியம்(II) அயோடைடு, ஓசுமியம்(III) அயோடைடுகள் மட்டுமே கிடைக்கின்றன.^[2]

மேற்கோள்கள்

↑ Köhler, J. (2014). "Halides: Solid-State Chemistry". Encyclopedia of Inorganic and Bioinorganic Chemistry. pp. 1–22. doi:10.1002/9781119951438.eibc0078.pub2. ISBN 9781119951438.
↑ ^2.0 ^2.1 ^2.2 ^2.3 Fergusson, J. E.; Robinson, B. H.; Roper, W. R. (1962). "405. Iodides of osmium and rhenium". Journal of the Chemical Society (Resumed): 2113. doi:10.1039/JR9620002113.
↑ ^3.0 ^3.1 George K. Schweitzer; Lester L. Pesterfield (2009). The Aqueous Chemistry of the Elements (Ebook) (in ஆங்கிலம்). Oxford University Press. p. 321. ISBN 9780199742196. Retrieved 11 November 2021.
↑ "The Chemistry of Osmium". the Sciences (Scientific American). 1893. doi:10.1038/scientificamerican04291893-14453supp.