கோடைக்கால ஒலிம்பிக் விளையாட்டுகள்

கோடைக்கால ஒலிம்பிக் விளையாட்டுக்கள் (Summer Olympic Games) அல்லது ஒலிம்பியட்டின் விளையாட்டுக்கள் (Games of the Olympiad) பன்னாட்டு ஒலிம்பிக் குழுவால் நான்காண்டுகளுக்கு ஒருமுறை நடத்தப்படும் பன்னாட்டு விளையாட்டு நிகழ்வாகும். ஒவ்வொரு முறையும் வெவ்வேறு நகரங்களில் நடத்தப்படுகிறது. ஒலிம்பிக் விளையாட்டுக்களை ஏற்று நடத்தக் கொடுக்கப்படும் வாய்ப்பை இந்த நகரங்கள் பெரும் கௌரவமாகக் கருதுகின்றன. கோடைக்கால ஒலிம்பிக் விளையாட்டுக்களுக்கு இரண்டாண்டுகள் கழித்து குளிர்கால ஒலிம்பிக் விளையாட்டுக்கள் நடத்தப்படுகின்றன. இவை குளிர் பிரதேசங்களில், மலைப்பாங்கான நகரங்களில் நடத்தப்படுகின்றன. குளிர்கால ஒலிம்பிக்கை விட கோடைக்கால ஒலிம்பிக் விளையாட்டுக்களில் பெரும்பான்மையான நாடுகள் பங்கேற்கின்றன.

இரண்டாயிரம் ஆண்டுகளுக்கு முன்னரே பண்டைக் கிரேக்கத்தில் ஒலிம்பிக் விளையாட்டுக்கள் நடந்துள்ளன. கிரேக்க இராச்சியங்களின் வீழ்ச்சியால் பல நூற்றாண்டுகளாக தடைபட்டிருந்த ஒலிம்பிக் விளையாட்டுக்களை பத்தொன்பதாம் நூற்றாண்டின் இறுதியில் பியர் தெ குபர்த்தென் மீண்டும் நிறுவினார். தற்கால கோடை ஒலிம்பிக் விளையாட்டுகள் ஏதென்ஸ் நகரில் 1896இல் முதன்முதலாக நடத்தப்பட்டது. இதனைத் தொடர்ந்து நான்கு ஆண்டுகளுக்கு ஒருமுறை இந்த விளையாட்டுப் போட்டிகள் நடத்தப்பட்டு வருகின்றன. முதல் ஒலிம்பிக் போட்டிகளில் 200 கிரேக்கப் போட்டியாளர்களும் 13 நாடுகளிலிருந்து 45 போட்டியாளர்களும் பங்கேற்றனர். 1904 முதல் முதல் மூன்று இடங்களை எட்டிய போட்டியாளர்களுக்கு (அல்லது அணிகளுக்கு) பதக்கங்கள் வழங்கப்பட்டு வருகின்றன.

துவக்ககால ஒலிம்பிக் போட்டிகளில் 42 போட்டிகளே இருந்தன; ஆனால் பெய்ஜிங்கில் நடந்த ஒலிம்பிக்கில் 302 போட்டிகளில் 10,500 போட்டியாளர்கள் கலந்து கொண்டனர்.^[1]

கோடைக்கால ஒலிம்பிக்கை மற்றெந்த நாடுகளை விட ஐக்கிய அமெரிக்கா நான்கு முறை ஏற்று நடத்தியுள்ளது. ஐக்கிய இராச்சியம் மூன்றாம் முறையாக 2012இல் ஏற்று நடத்தியுள்ளது. இதன் தலைநகர் இலண்டன் மூன்று முறையும் இந்தப் போட்டிகளை ஏற்று நடத்தி இவ்வாறு மூன்று முறை ஒலிம்பிக் போட்டிகளை நடத்திய ஒரே நகரமாக விளங்குகிறது. ஆத்திரேலியா, பிரான்சு, செருமனி மற்றும் கிரீசு கோடைக்கால ஒலிம்பிக்கை இருமுறைகள் நடத்தியுள்ளன. கோடைக்கால ஒலிம்பிக் விளையாட்டுப் போட்டிகளை ஏற்று நடத்திய மற்ற நாடுகளாவன; பெல்ஜியம், சீனா, கனடா, பின்லாந்து, இத்தாலி, ஜப்பான், மெக்சிக்கோ, நெதர்லாந்து, தென் கொரியா, எசுப்பானியா, சோவியத் ஒன்றியம் மற்றும் சுவீடன். 2016இல், தென் அமெரிக்காவில் முதன்முறையாக இரியோ டி செனீரோ நகரம் இந்தப் போட்டிகளை ஏற்று நடத்தவிருக்கிறது. மூன்று நகரங்கள் இருமுறை இந்தப் போட்டிகளை ஏற்று நடத்தி உள்ளன: லாஸ் ஏஞ்சலஸ், பாரிஸ் மற்றும் ஏதென்ஸ். சுவிடனின் ஸ்டாக்ஹோம் இரு கோடைக்கால ஒலிம்பிக் விளையாட்டுக்களின் போட்டிகளை நடத்தியுள்ளது; 1912இல் முழுமையாகவும் 1956 கோடைக்கால ஒலிம்பிக் விளையாட்டுக்களில் குதிரையேற்ற நிகழ்வுகளை மட்டும் நடத்தி உள்ளது.^[2] இதேபோல் 1920 கோடைக்கால ஒலிம்பிக் விளையாட்டுக்கள் போது பாய்மரப் படகோட்டப் போட்டிகள் நெதர்லாந்தின் ஆம்ஸ்டர்டம் நகரத்திலும் 2008 ஒலிம்பிக் விளையாட்டுப் போட்டிகள் போது குதிரையேற்றப் போட்டிகள் மட்டும் ஹாங்காங்கிலும் நடத்தப்பட்டன.

அனைத்து கோடைக்கால ஒலிம்பிக் போட்டிகளிலும் ஐந்து நாடுகள் – கிரீசு, பிரான்சு, பெரிய பிரித்தானியா, சுவிட்சர்லாந்து மற்றும் ஆத்திரேலியா – தொடர்ச்சியாக பங்கேற்றுள்ளன. அனைத்து ஒலிம்பிக் போட்டிகளிலும் குறைந்தது ஒரு தங்கப் பதக்கமாவது பெற்ற நாடாக பெரிய பிரித்தானியா விளங்குகிறது.

இதுவரையிலான ஒலிம்பிக் போட்டிகளில் பெற்ற மொத்த பதக்கப் பட்டியல்

பன்னாட்டு ஒலிம்பிக் குழுவின் அலுவல்பூர்வ தரவுகளின்படி முதல் பத்து நாடுகளின் பதக்கப் பட்டியல்.

இப்போதில்லாத நாடுகள்

#	நாடு	விளையாட்டுக்கள்	தங்கம்	வெள்ளி	வெண்கலம்	மொத்தம்
1	ஐக்கிய அமெரிக்கா	26	976	758	666	2400
2	சோவியத் ஒன்றியம்	9	395	319	296	1010
3	ஐக்கிய இராச்சியம்	27	236	272	272	780
4	பிரான்சு	27	202	223	246	671
5	சீனா	9	201	144	128	473
6	இத்தாலி	26	198	166	185	549
7	செருமனி	15	174	182	217	573
8	அங்கேரி	25	167	144	165	476
9	கிழக்கு ஜேர்மனி	5	153	129	127	409
10	சுவீடன்	26	143	164	176	483
11	ஆத்திரேலியா	25	138	153	177	468

தற்கால கோடைக்கால ஒலிம்பிக் விளையாட்டுக்களின் பட்டியல்

விளையாட்டுக்கள்	ஆண்டு	நடத்திய நாடு	திறப்பு	நாட்கள்	நாடுகள்	போட்டியாளர்கள்			விளையாட்டுக்கள்	துறைகள்	நிகழ்வுகள்	உசா
விளையாட்டுக்கள்	ஆண்டு	நடத்திய நாடு	திறப்பு	நாட்கள்	நாடுகள்	மொத்தம்	ஆண்	பெண்	விளையாட்டுக்கள்	துறைகள்	நிகழ்வுகள்	உசா
I	1896	ஏதென்ஸ், கிரேக்கம்	மன்னர் ஜார்ஜ் I	6–15 ஏப்ரல்	14	241	241	0	9	10	43	[1]
II	1900	பாரிஸ், பிரான்சு	N/A	14 மே – 28 அக்டோபர்	24	997	975	22	19	20	85^A[›]	[2]
III	1904	செயின்ட் லூயிஸ் (மிசோரி), அமெரிக்க ஐக்கிய நாடு	ஆளுநர் டேவிட் ஆர். பிரான்சிஸ்	1 சூலை – 23 நவம்பர்	12	651	645	6	16	17	94^B[›]	[3]
IV	1908	இலண்டன், ஐக்கிய இராச்சியம்	மன்னர் எட்வர்டு VII	27 ஏப்ரல் – 31 அக்டோபர்	22	2008	1971	37	22	25	110	[4]
V	1912	ஸ்டாக்ஹோம், சுவீடன்	மன்னர் குசுத்தாவ் V	6–22 சூலை	28	2407	2359	48	14	18	102	[5]
VI	1916	பெர்லினுக்கு வழங்கப்பட்டு, முதல் உலகப் போர் காரணமாக கைவிடபட்டது
VII	1920	ஆண்ட்வெர்ப், பெல்ஜியம்	மன்னர் ஆல்பர்ட் I	20 ஏப்ரல் – 12 செப்டம்பர்	29	2626	2561	65	22	29	156^C[›]	[6]
VIII	1924	பாரிஸ், பிரான்சு	அரசுத்தலைவர் கசுத்தோன் டவுமெர்கு	4 மே – 27 சூலை	44	3089	2954	135	17	23	126	[7]
IX	1928	ஆம்ஸ்டர்டம், நெதர்லாந்து	நெதர்லாந்தின் இளவரசர் என்றி	28 சூலை – 12 ஆகத்து	46	2883	2606	277	14	20	109	[8]
X	1932	லாஸ் ஏஞ்சலஸ், அமெரிக்க ஐக்கிய நாடு	துணைத் தலைவர் சார்லசு கர்ட்டிசு	30 சூலை – 14 ஆகத்து	37	1332	1206	126	14	20	117	[9]
XI	1936	பெர்லின், செருமனி	சான்சுலர் அடொல்ஃப் இட்லர்	1–16 ஆகத்து	49	3963	3632	331	19	25	129	[10]
XII	1940	முதலில் தோக்கியோவிற்கு வழங்கப்பட்டது, பின்னர் ஹெல்சிங்கிக்கு வழங்கப்பட்டது, இரண்டாம் உலகப் போர் காரணமாக கைவிடப்பட்டது
XIII	1944	இலண்டனுக்கு வழங்கப்பட்டு இரண்டாம் உலகப்போர் காரணமாக கைவிடப்பட்டது
XIV	1948	இலண்டன், ஐக்கிய இராச்சியம்	மன்னர் ஜோர்ஜ் VI	29 சூலை – 14 ஆகத்து	59	4104	3714	390	17	23	136	[11]
XV	1952	ஹெல்சின்கி, பின்லாந்து	தலைவர் யுகோ குசுத்தி பாசிகிவி	19 சூலை – 3 ஆகத்து	69	4955	4436	519	17	23	149	[12]
XVI	1956	மெல்பேர்ண், ஆஸ்திரேலியா	எடின்பரோ கோமகன், இளவரசர் பிலிப்	22 நவம்பர் – 8 திசம்பர்	72^D[›]	3314	2938	376	17	23	151^E[›]	[13]
XVII	1960	உரோமை நகரம், இத்தாலி	தலைவர் கியோவன்னி குரோஞ்சி	25 ஆகத்து – 11 செப்டம்பர்	83	5338	4727	611	17	23	150	[14]
XVIII	1964	தோக்கியோ, ஜப்பான்	பேரரசர் ஹிரோஹிட்டோ	10–24 அக்டோபர்	93	5151	4473	678	19	25	163	[15]
XIX	1968	மெக்சிக்கோ நகரம், மெக்சிக்கோ	தலைவர் குசுத்தாவொ டியாசு ஓர்டாசு	12–27 அக்டோபர்	112	5516	4735	781	18	24	172	[16]
XX	1972	மியூனிக், மேற்கு செருமனி	தலைவர் குசுத்தாவ் எயின்மேன்	26 ஆகத்து – 10 செப்டம்பர்	121	7134	6075	1059	21	28	195	[17]
XXI	1976	மொண்ட்ரியால், கனடா	எலிசபெத் அரசி	17 சூலை – 1 ஆகத்து	92	6084	4824	1260	21	27	198	[18]
XXII	1980	மாஸ்கோ, சோவியத் ஒன்றியம்	அவைத்தலைவர் லியோனிட் பிரெஷ்னெவ்	19 சூலை – 3 ஆகத்து	80	5179	4064	1115	21	27	203	[19]
XXIII	1984	லாஸ் ஏஞ்சலஸ், அமெரிக்க ஐக்கிய நாடு	தலைவர் ரோனால்டு ரீகன்	28 சூலை – 12 ஆகத்து	140	6829	5263	1566	21	29	221	[20]
XXIV	1988	சியோல், தென் கொரியா	தலைவர் ரோ டே-வூ	17 செப்டம்பர் – 2 அக்டோபர்	159	8391	6197	2194	23	31	237	[21]
XXV	1992	பார்செலோனா, எசுப்பானியா	மன்னர் யுவான் கார்லோசு I	25 சூலை – 9 ஆகத்து	169	9356	6652	2704	25	34	257	[22]
XXVI	1996	அட்லான்டா, அமெரிக்க ஐக்கிய நாடு	தலைவர் பில் கிளின்டன்	19 சூலை – 4 ஆகத்து	197	10318	6806	3512	26	37	271	[23]
XXVII	2000	சிட்னி, ஆஸ்திரேலியா	தலைமை ஆளுநர் சேர் வில்லியம் டீன்	15 செப்டம்பர் – 1 அக்டோபர்	199	10651	6582	4069	28	40	300	[24]
XXVIII	2004	ஏதென்ஸ், கிரேக்கம் (நாடு)	தலைவர் கான்சுடான்டினோசு இசுடெபோனோபவலோசு	13–29 ஆகத்து	201	10625	6296	4329	28	40	301	[25]
XXIX	2008	பெய்ஜிங், சீன மக்கள் குடியரசு	தலைவர் கூ சிங்தாவ்	8–24 ஆகத்து	204	10942	6305	4637	28	41	302	[26]
XXX	2012	இலண்டன், ஐக்கிய இராச்சியம்	எலிசபெத் அரசி	27 சூலை – 12 ஆகத்து	204	10568	5892	4676	26	39	302	[27]
XXXI	2016	இரியோ டி செனீரோ, பிரேசில்		5–21 ஆகத்து	வருங்கால நிகழ்வு				28	41	306
XXXII	2020	தோக்கியோ, ஜப்பான்		24 சூலை – 9 ஆகத்து	வருங்கால நிகழ்வு
XXXIII	2024	தேர்வு: 2017			வருங்கால நிகழ்வு
XXXIV	2028	தேர்வு: 2021			வருங்கால நிகழ்வு

^ அ: 1900 ஒலிம்பிக் விளையாட்டுக்களில் 95 நிகழ்வுகள் என பன்னாட்டு ஒலிம்பிக் குழுவின் வலைத்தளம் தவறாக குறிப்பிடுகிறது;^[3] பன்னாட்டு ஒலிம்பிக் குழுவின் தரவுதளத்தில் 1900 ஒலிம்பிக் போட்டிகளில்^[4] 85 நிகழ்வுகளாகப் பதியப்பட்டுள்ளன. இந்த வேறுபாடு பில் மல்லோன் எழுதிய "1900 ஒலிம்பிக் விளையாட்டுக்கள் — பகுப்பாய்வும் சுருக்கங்களும்"^[5] என்ற பதிப்பிலிருந்து எழுந்திருக்கலாம்; இதில் மல்லோன் எந்தெந்த விளையாட்டுக்கள் ஒலிம்பிக் தன்மையானவை என்ற தனது கருத்தையொட்டி எழுதியுள்ளார்.
^ ஆ: 1904 ஒலிம்பிக் விளையாட்டுக்களில் 91 நிகழ்வுகள் என பன்னாட்டு ஒலிம்பிக் குழுவின் வலைத்தளம் தவறாக குறிப்பிடுகிறது;^[6] பன்னாட்டு ஒலிம்பிக் குழுவின் தரவுதளத்தில் 1904 ஒலிம்பிக் போட்டிகளில்^[7] 94 நிகழ்வுகளாகப் பதியப்பட்டுள்ளன. இந்த வேறுபாடு பில் மல்லோன் எழுதிய "1904 ஒலிம்பிக் விளையாட்டுக்கள் — பகுப்பாய்வும் சுருக்கங்களும்"^[8] என்ற பதிப்பிலிருந்து எழுந்திருக்கலாம்; இதில் மல்லோன் எந்தெந்த விளையாட்டுக்கள் ஒலிம்பிக் தன்மையானவை என்ற தனது கருத்தையொட்டி எழுதியுள்ளார்.
^ இ: 1920 ஒலிம்பிக் விளையாட்டுக்களில் 154 நிகழ்வுகள் என பன்னாட்டு ஒலிம்பிக் குழுவின் வலைத்தளம் தவறாக குறிப்பிடுகிறது;^[9] பன்னாட்டு ஒலிம்பிக் குழுவின் தரவுதளத்தில் 1920 ஒலிம்பிக் போட்டிகளில்^[10] 156 நிகழ்வுகளாகப் பதியப்பட்டுள்ளன.
^ ஈ: ஆத்திரேலிய ஒதுக்கிடம் சட்டங்களால், 1956 கோடைக்கால ஒலிம்பிக் போட்டிகளுக்கான 6 குதிரையேற்ற நிகழ்வுகளை மெல்பேர்ண் நகரில் மற்ற விளையாட்டு நிகழ்வுகள் நடப்பதற்கு பல மாதங்கள் முன்னதாகவே ஸ்டாக்ஹோம் நகரில் நடத்தியது; இதில் 72 போட்டியாளர்கள் 5 நாடுகளலிருந்து கலந்து கொண்டனர். இவர்கள் மெல்பேர்ணுக்கு வரவில்லை.
^ உ: 1956 ஒலிம்பிக் விளையாட்டுக்களில் 145 நிகழ்வுகள் என பன்னாட்டு ஒலிம்பிக் குழுவின் வலைத்தளம் தவறாக குறிப்பிடுகிறது;^[11] உண்மையில் 145 நிகழ்வுகள் மெல்பேர்ணிலும் 6 நிகழ்வுகள் ஸ்டாக்ஹோமிலும் நடந்தமையால் மொத்தம் 151 நிகழ்வுகள் என்றிருக்க வேண்டும்.

குறிப்பு: 1916, 1940, மற்றும் 1944 ஆண்டுகளில் விளையாட்டுப் போட்டிகள் கைவிடப்பட்டாலும் அவற்றிற்கும் உரோம எண்கள் கொடுக்கப்பட்டுள்ளன;இது ஒலிம்பிக் சாசனத்தின்படி விளையாட்டுக்களை எண்ணாது ஒலிம்பியடுகளை கணக்கில் கொள்வதால் விளைகின்றது. எதிராக குளிர்கால ஒலிம்பிக் விளையாட்டுக்களில் இம்முறை பின்பற்றப்படாது கைவிடப்பட்ட 1940 & 1944 விளையாட்டுக்களுக்கு எண்கள் தரப்படவில்லை.

மேற்சான்றுகள்

↑ "Beijing 2008: Games Programme Finalised". International Olympic Committee. 2006-04-27. http://olympic.org/uk/news/olympic_news/full_story_uk.asp?id=1797. பார்த்த நாள்: 2006-05-10.
↑ "Melbourne / Stockholm 1956". பன்னாட்டு ஒலிம்பிக் குழு. Retrieved 5 September 2008.
↑ "IOC site for the 1900 Olympic Games". Olympic.org. Retrieved 10 பிப்ரவரி 2014. {{cite web}}: Check date values in: |accessdate= (help)
↑ "IOC database for the 1900 Olympic Games". Olympic.org. Retrieved 10 பிப்ரவரி 2014. {{cite web}}: Check date values in: |accessdate= (help)
↑ ""1900 Olympic Games — Analysis and Summaries"" (PDF). Retrieved 10 பிப்ரவரி 2014. {{cite web}}: Check date values in: |accessdate= (help)
↑ "IOC site for the 1904 Olympic Games". Olympic.org. Retrieved 10 பிப்ரவரி 2014. {{cite web}}: Check date values in: |accessdate= (help)
↑ "IOC database for the 1904 Olympic Games". Olympic.org. Retrieved 10 பிப்ரவரி 2014. {{cite web}}: Check date values in: |accessdate= (help)
↑ ""1904 Olympic Games — Analysis and Summaries"" (PDF). Retrieved 10 பிப்ரவரி 2014. {{cite web}}: Check date values in: |accessdate= (help)
↑ "IOC site for the 1920 Olympic Games". Olympic.org. Retrieved 10 பிப்ரவரி 2014. {{cite web}}: Check date values in: |accessdate= (help)
↑ "IOC database for the 1920 Olympic Games". Olympic.org. Retrieved 10 பிப்ரவரி 2014. {{cite web}}: Check date values in: |accessdate= (help)
↑ "IOC site for the 1956 Olympic Games". Olympic.org. 1956-11-22. Retrieved 10 பிப்ரவரி 2014. {{cite web}}: Check date values in: |accessdate= (help)