திருவேங்கடம்

**திருவேங்கடம் பேரூராட்சி**
	திருவேங்கடம் பேரூராட்சி
	— நகரம் —
ஆள்கூறு
நாடு	இந்தியா
மாநிலம்	தமிழ்நாடு
மாவட்டம்	தென்காசி
வட்டம்	திருவேங்கடம்
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்
பேரூராட்சி மன்றத் தலைவர்	வெற்றிடம்
மக்கள் தொகை; • அடர்த்தி	8,337 (2011); • 534/km2 (1,383/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	15.60 சதுர கிலோமீட்டர்கள் (6.02 sq mi)
இணையதளம்	www.townpanchayat.in/thiruvengadam

திருவேங்கடம் (Thiruvengadam), இந்தியாவின் தமிழ்நாடு மாநிலத்தில் அமைந்துள்ள தென்காசி மாவட்டத்தில் இருக்கும் ஒரு பேரூராட்சி ஆகும். சங்கரன்கோயில் வட்டம் பிரிக்கப்பட்டு, முன்னாள் முதல்வர் ஜெயலலிதா அவர்களால் திருவேங்கடம் வட்டம் உருவாக்கப்பட்டது.

அமைவிடம்

இப்பேரூராட்சி திருநெல்வேலியிலிருந்து 80 கி.மீ. தொலைவிலும்; கோவில்பட்டியிலிருந்து 25 கி.மீ. தொலைவிலும்; சங்கரன்கோவிலிருந்து 18 கி.மீ. தொலைவிலும்; சிவகாசியிலிருந்து 28 கி.மீ. தொலைவிலும் உள்ளது. சங்கரன்கோவில் இதன் அருகமைந்த தொடருந்து நிலையம் ஆகும்.

பேரூராட்சியின் அமைப்பு

15.60 ச.கி.மீ. பரப்பும், 15 வார்டுகளும், 30 தெருக்களும் கொண்ட இப்பேரூராட்சி சங்கரன்கோவில் (சட்டமன்றத் தொகுதி)க்கும், தென்காசி மக்களவைத் தொகுதிக்கும் உட்பட்டது.^[3]

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 2368 வீடுகளும், 8337 மக்கள்தொகையும் கொண்டது.^[4]^[5]

ஆறுகள்

திருவேங்கடம் ஊரில் நிட்சேப நதி (வைப்பாறு )பாய்கிறது. இவ்வாற்றின் குறுக்கே தடுப்பணை ஒன்று கட்டப்பட்டு அந்த நீர் கீழத்திருவேங்கடத்தின் கூத்தாடி குளத்துக்கு கால்வாய் மூலம் கொண்டு செல்லப்படுகிறது.