மதுரை கிழக்கு வட்டம்

மதுரை கிழக்கு வட்டம் என்பது மதுரை வடக்கு வட்டத்தின் 98 வருவாய் கிராமங்களைக் கொண்டு, புதிய வருவாய் வட்டமாக, 12 பெப்பிரவரி 2014 அன்று துவக்கப்பட்டது.^[1] இவ்வட்டத்தின் வட்டாட்சியர் அலுவலகம், யா. ஒத்தக்கடையில் இயங்குகிறது. மதுரை கிழக்கு ஊராட்சி ஒன்றியம், மதுரை கிழக்கு வருவாய் வட்டத்தில் உள்ளது. இவ்வட்டத்தில் இரண்டு ஆரம்ப சுகாதார நிலையங்கள் உள்ளன.^[2][3]

22,111 ஹெக்டேர் பரப்பளவு கொண்ட மதுரை கிழக்கு வட்டத்தின், 2011ம் ஆண்டின் மக்கள்தொகை கணக்கெடுப்பின்படி, மக்கள்தொகை 1,58,680 ஆகும். அதில் ஆண்கள் 80,895; பெண்கள் 77,785 ஆக உள்ளனர். மதுரை கிழக்கு வட்டத்தில் 106 வருவாய் கிராமங்கள் கொண்டது. இவ்வட்டத்தில் 9779 ஹெக்டேர் நன்செய் நிலமும்; 4026 ஹெக்டேர் புன்செய் நிலமும் கொண்டுள்ளது. இவ்வட்டத்தில் மதுரை கிழக்கு ஊராட்சி ஒன்றியம் உள்ளது.

மதுரை கிழக்கு வருவாய் வட்டம், வருவாய் ஆய்வாளர்களின் கீழ் 7 உள்வட்டங்கள் (பிர்க்காக்கள்) கொண்டது. அவைகள்; கள்ளந்திரி, அப்பன்திருப்பதி, அரும்பனூர், யா. ஒத்தக்கடை, இராஜாக்கூர், குன்னத்தூர் மற்றும் சக்கிமங்கலம் ஆகும். இந்த ஏழு உள்வட்டங்களின் கீழ் 106 வருவாய் கிராமங்கள் உள்ளது.^[4]

மதுரை கிழக்கு வட்டத்தில் ஆறு கல்லூரிகளும்; 14 உயர்நிலைப் பள்ளிகளும்; 8 மேல்நிலைப் பள்ளிகளும் இயங்குகிறது.

இவ்வட்டத்தில் உள்ள மீனாட்சிபுரம், இடையப்பட்டி, குன்னத்தூர், கருப்புக்கல், வண்டியூர் மற்றும் கலிகாப்பான் கிராமங்களில் கருங்கற்கள் வெட்டியெடுக்கும் சுரங்கங்கள் உள்ளது.

1. ↑ மதுரை மாவட்டத்தில் திருப்பரங்குன்றம், மதுரை கிழக்கு, மதுரை மேற்கு வருவாய் வட்டங்கள் தொடக்கம்
2. ↑ 23 new taluks created in Tamil Nadu
3. ↑ "மதுரை கிழக்கு வட்டம்". Archived from the original on 2019-04-12. Retrieved 2018-08-30.
4. ↑ மதுரை கிழக்கு வட்டத்தின் உள்வட்டங்களும், வருவாய் கிராமங்களும்

• கூகுள் வரைபடத்தில் மதுரை கிழக்கு தாலுகா அலுவலகம்