ராஜாங் சதுப்புநில தேசியப் பூங்கா

ராஜாங் சதுப்புநில தேசியப் பூங்கா Rajang Mangroves National Park Taman Negara Bakau Rajang
ஐயுசிஎன் வகை II (தேசிய வனம்)
நாசா விண்கலத்தின் சதுப்புநிலக் காட்சி
அமைவிடம்	சரிக்கே பிரிவு  சரவாக்  மலேசியா
அருகாமை நகரம்	சரிக்கே
ஆள்கூறுகள்	2°05′N 111°16′E / 2.083°N 111.267°E / 2.083; 111.267
பரப்பளவு	107 km2 (41 sq mi)
நிறுவப்பட்டது	2000
நிருவாக அமைப்பு	சரவாக் வனவியல் கழகம் Sarawak Forestry Corporation (SFC)

ராஜாங் சதுப்புநில தேசியப் பூங்கா (மலாய்: Taman Negara Bakau Rajang; ஆங்கிலம்: Rajang Mangroves National Park) என்பது மலேசியா, சரவாக், சரிக்கே பிரிவில் பாதுகாக்கப்பட்ட ஒரு சதுப்புநில தேசியப் பூங்கா ஆகும். 9374 எக்டேர் பரப்பளவைக் கொண்ட இந்தப் பூங்கா 2000-ஆம் ஆண்டில் அரசிதழில் வெளியிடப்பட்டது.^[1]

மற்ற சதுப்புநிலக் காடுகளைப் போல் அல்லாமல், ராஜாங் சதுப்புநிலக் காடுகள் ராஜாங் ஆற்றங்கரையில் 3.5 மீட்டர் வரை உயர்ந்து, 3.65 கிமீ வரை உள்நாட்டுச் சமநிலநிலத்தில் பரவுகின்றன.^[2]

மண்ணரிப்பு, அலை வெள்ளம் மற்றும் உப்பு ஊடுருவல் ஆகியவற்றில் இருந்து கடற்கரையைப் பாதுகாப்பதில் இந்தச் சதுப்புநில தேசியப் பூங்கா மிக முக்கிய பங்கு வகிக்கிறது.^[3] தற்போது, ​​இந்தத் தேசிய பூங்கா பொதுமக்களுக்கு இன்னும் திறக்கப்படவில்லை. இந்தப் பூங்காவிற்கு அருகில் உள்ள நகரம் சரிக்கே.

ராஜாங் சதுப்புநில தேசியப் பூங்கா பலவகையான கடல்வாழ் நிலவாழ் உயிரினங்களைக் கொண்டுள்ளன. அவற்றில் சில முக்கியமான உயிரினங்கள்:^[4][5]

• தும்பிக்கை குரங்குகள் - (Proboscis monkey)
• வெள்ளி நிற லுத்தோங் குரங்குகள் - (Silvery lutung)
• சிறுத்த பெருநாரை - (Lesser adjutant)
• ஐராவதி ஓங்கில் - (Irrawaddy dolphin)
• இருவாய்ச்சி பறவை - (Hornbill)
• கருவயிற்றுப் பூங்குயில் - (Black-bellied malkoha)

• 
  தும்பிக்கை குரங்குகள்
• 
  இருவாய்ச்சி பறவை
• 
  வெள்ளி நிற லுத்தோங் குரங்குகள்
• 
  சிறுத்த பெருநாரை
• 
  ஐராவதி ஓங்கில்
• 
  கருவயிற்று பூங்குயில்

• புக்கிட் தீபான் தேசியப் பூங்கா
• பாக்கோ தேசியப் பூங்கா
• முலு மலை தேசியப் பூங்கா
• மிரி சிபுத்தி பவளப் பாறைகள் தேசியப் பூங்கா
• மலேசியத் தேசியப் பூங்காக்களின் பட்டியல்

• Treasure our Rajang mangroves - WWF Malaysia