Іван Ягоравіч Староў

Іван Ягоравіч Староў
Іван Ягоравіч Староў
	руск.: Иван Егорович Старов
	; Партрэт працы С. С. Шчукіна (руск.) (бел.
Дата нараджэння	12 (23) лютага 1745
Месца нараджэння	Санкт-Пецярбург, Расійская імперыя;
Дата смерці	5 (17) красавіка 1808 (63 гады)
Месца смерці	Санкт-Пецярбург, Расійская імперыя;
Месца пахавання	Лазараўскія могілкі Аляксандра-Неўскай лаўры[d];
Грамадзянства
Альма-матар	Імператарская Акадэмія мастацтваў (1762);
Працы і дасягненні
Працаваў у гарадах	Санкт-Пецярбург і Санкт-Пецярбургская губерня, Херсон, Екацярынаслаў
Архітэктурны стыль	класіцызм
Найважнейшыя пабудовы	Таўрыйскі палац (1783 - 1789), ; Траецкі сабор (руск.) (бел. (1779 - 1791) ; Князь-Уладзімірскі сабор (руск.) (бел. (1783 - 1789)
Уплыў	Шарль дэ Ваі[d]
	Медыяфайлы на Вікісховішчы

Іва́н Яго́равіч Старо́ў (12 (23) лютага 1745, Санкт-Пецярбург — 5 (17) красавіка 1808, Санкт-Пецярбург) — рускі архітэктар, адзін з заснавальнікаў т. зв. рускага класіцызму, акадэмік (з 1769), прафесар Пецярбургскай акадэміі мастацтваў (з 1785).

Біяграфія

Нарадзіўся ў Маскве (па іншым крыніцам — у Санкт-Пецярбургу) у сям’і дыякана. Пачатковую адукацыю атрымаў у школе для дзяцей духоўнага стану.

У 1755 годзе быў прыняты ў выхаванцы гімназіі пры Маскоўскім універсітэце, праз год як адоранае дзіця пераведзены з яе ў гімназію пры Санкт-Пецярбургскай акадэміі навук і ў 1758 годзе паступіў у вучні акадэміі мастацтваў да А. П. Какорынава і Ж.-Б. Вален-Дэламота. Скончыўшы ў ёй курс, з 1762 па 1768 падарожнічаў за мяжой у якасці пенсіянера Акадэміі мастацтваў (руск.) (бел..

Заканчэнне навучання ў Акадэміі таксама давала права на стан дваранства.

Стажыроўка за мяжой

У 1762 годзе Староў адбыў у Парыж. Тэрмінам камандзіроўкі было тры гады. У Парыжы ён вучыўся ў Ш. Дэ Ваі (руск.) (бел.. І. Старову пашанцавала з тэрмінам стажыроўкі, якая цягнулася не тры, а шэсць гадоў, з якіх пяць гадоў ён правёў у Парыжы і адзін год у Рыме.

Ш. Дэ Ваі (руск.) (бел. (1730—1798) мала паспеў выбудаваць праз канкурэнцыю і скарачэнне будаўніцтва ў Францыі. Але салон у Палацца Спінола (фр.) (бел. ў Генуі, замак-палац ландграфа Гесэн-Касельскага (руск.) (бел., павільён навук і мастацтваў для імператрыцы Кацярыны II (праект) стварылі яму аўтарытэт у Парыжы і Заходняй Еўропе. Лепшымі будынкамі архітэктара стануць замак-палац Манмусар (фр.) (бел. (каля Дыжона) і тэатр «Адэон» у Парыжы. Ваі таксама стварыў план забудовы новага французскага порту ў Пор-Вандр (укр.) (бел.. Горадабудаўнічыя навыкі, атрыманыя ў Шарля дэ Ваі, Іван Староў выкарыстоўвае пры ўласным праектаванні расійскіх правінцыйных гарадоў, сярод якіх Екацярынаслаў, Нікалаеў, Пскоў, Нарва, Варонеж, Вялікі Усцюг, Багародзіцк і інш.

Вяртанне на радзіму

Па вяртанні ў Санкт-Пецярбург за праект будынка для кадэцкага шляхецкага корпуса быў прызнаны ў 1769 годзе акадэмікам, у наступным годзе заняў у акадэміі пасаду ад’юнкт-прафесара, з якой у 1770 годзе павышаны ў прафесары і ў 1794 годзе — у ад’юнкт-рэктары. У 1772—1774 гадах — галоўны архітэктар «Камісіі аб каменным будаванні Санкт-Пецярбурга і Масквы (руск.) (бел.».

Творчасць

Найважнейшыя з яго збудаванняў:

Санкт-Пецярбург і наваколлі:

Траецкі сабор (руск.) (бел. у Аляксандра-Неўскай лаўры (1776—1790 годы), там жа надбрамавая царква (1783—1785 годы);
Сафійскі сабор (руск.) (бел. у Сафіі (руск.) (бел., блізу Царскага Сяла (1782—1788 годы, удзел у будаўніцтве сумесна з Ч. Камеранам (руск.) (бел.
Васкрасенская царква на Волкаўскіх могілках (руск.) (бел. (1782—1785 годы)
Таўрыйскі палац (1783—1788 годы) ;
Князь-Уладзімірскі сабор (руск.) (бел. (1783—1789 годы, перабудова пасля пажару);
Пелінскі палац (руск.) (бел. (1785—1796);
Дачныя палацы ў маёнтках Тайцы (руск.) (бел. і Сіворыцы (руск.) (бел. Санкт-Пецярбургскай губерні.

Тульская вобласць:

Палацавы ансамбль (руск.) (бел. у Багародзіцку (1771—1776).

Украіна:

Свята-Екацярынінскі сабор (руск.) (бел. у Херсоне на Перакопскай вуліцы, 13 (1786)
Пацёмкінскі палац у Екацярынаславе (1787—1789 гады)

Беларусь

Праекты планіроўкі гасцінага двара, сядзібнага дома рэзідэнцыі графа Р. А. Пацёмкіна і перабудовы Спаскай царквы ў Дуброўна (1784)^[2]
Праект палаца Пацёмкіна (канец 1780-х) і суднабудаўнічай верфі (1785) ў Крычаве^[2]
Тыпавыя праекты мураванага і драўлянага паштовых дамоў дамоў (1772). Мураваныя дамы пабудаваны ў Віцебску, Полацку і Магілёве^[2].

Памяць

У гонар І. Я. Старова названая вуліца ў Нікалаеве.

Зноскі

↑ ^а ^б Старов Иван Егорович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.
<a href="https://wikidata.org/wiki/Track:Q5061737"></a><a href="https://wikidata.org/wiki/Track:Q17378135"></a>
↑ ^а ^б ^в БелЭн 2002.

Літаратура

Кючарианц Д. А. (руск.) (бел.. Иван Старов. — Л.: Лениздат, 1982. — 191 с.
Зодчие Санкт-Петербурга. XVIII век / сост. В. Г. Исаченко (руск.) (бел.; ред. Ю. Артемьева, С. Прохватилова. — СПб.: Лениздат, 1997. — 1021 с. — ISBN 5-289-01585-X
Старов, Иван Егорович // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
Воронов В. Иван Старов - главный архитектор эпохи Екатерины Великой. — Искусство-Спб, 2008. — 605 с. — ISBN 5210015114, 9785210015112.
Староў Іван Ягоравіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
Марозаў В. Ф. Старо́ў Іван Ягоравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 163. — 10 000 экз. — ISBN 985-11-0035-8. — ISBN 985-11-0251-2 (т. 15).
Старов Иван Егорович // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
Искусство. Современная иллюстрированная энциклопедия. / Под ред. проф. Горкина А. П. - М.: Росмэн, 2007. (руск.)