Адкрыты чэмпіянат Кітая па снукеры 2010
Адкрыты чэмпіянат Кітая 2010 (англ.: China Open 2010, таксама вядомы як Sanyuan Foods China Open 2010 — ад назвы спонсара) — прафесійны рэйтынгавы турнір па снукеры, які праходзіў з 29 сакавіка па 4 красавіка 2010 года ў спартыўнай зале Пекінскага універсітэта, у Пекіне, Кітай. Турнір стаў 11-м розыгрышам адкрытага чэмпіянату Кітая, які быў заснаваны ў 1997 годзе пад назвай China International і з 1999 года стаў рэйтынгавым спаборніцтвам. Прызавы фонд чэмпіянату склаў £300,000, з якіх £55,000 атрымаў пераможца. Пераможцам турніру стаў Марк Уільямс, які перайграў на сваім шляху да тытула Джэймі Коўпа (5:3), чэмпіёна свету Джона Хігінса (5:2), Марку Фу ў чвэрцьфінале (5:1), Алістэра Картэра ў паўфінальным матчы (6:4) і Дзіна Цзюньхуэя ў фінальным паядынку з лікам 10:6. Такім чынам, 35-гадовы валіец выйграў свой 22-гі прафесійны і 17-ы рэйтынгавы тытул у кар'еры, а таксама трэці (рэкордны) тытул адкрытага чэмпіянату Кітая (пасля розыгрышаў 2002 і 2006 гадоў) і першы рэйтынгавы турнір за 4 гады (пасля перамогі на адкрытым чэмпіянаце Кітая ў 2006 годзе). Турнір Адкрыты чэмпіянат Кітая 2010 стаў 11-м розыгрышам турніру, які быў заснаваны ў 1997 годзе пад назвай China International і з 1999 года стаў рэйтынгавым спаборніцтвам. З 2005 года чэмпіянат штогод праходзіць у Пекіне, а з 2006 года — у спартыўнай зале студэнтаў Пекінскага універсітэта ў раёне Хайцзянь. Адкрыты чэмпіянат Кітая 2010 праходзіў пад эгідай сусветнай асацыяцыі прафесійнага більярда і снукера (англ.: World Professional Billiards and Snooker Association) і ўваходзіў у каляндар мэйн-тура, а таксама з'яўляўся пятым рэйтынгавым турнірам снукернага сезона 2009/2010. Прызавыя грошыПрызавы фонд турніру павысіўся ў параўнанні з мінулым годам на £29,000 і склаў £300,000. Яшчэ £20,000 атрымаў выканаўца максімальнай серыі. Прызавыя пераможцы павысіліся на £3,000, склаўшы £55,000.
Рэйтынгавыя ачкіАдкрыты чэмпіянат Кітая 2010 меў такое ж размеркаванне рэйтынгавых ачкоў, як і на другім турніры ў Кітаі, Шанхай Мастэрc, а таксама Гран-пры. Пераможца турніру атрымаў 7000 рэйтынгавых ачкоў. Больш каштоўнымі турнірамі (у плане рэйтынгу) былі толькі чэмпіянат Вялікабрытаніі (пераможца атрымаў 8000 ачкоў) і чэмпіянат свету (пераможца атрымаў 10000 балаў).
Уайлдкард раўндВосем азіяцкіх аматараў атрымалі ўалдкард ад арганізатараў турніру: кітайцы Лю Чэньвэй, Лі Янь, Цянь Пэнфэй, Шы Шуам'ян, Лю Чуан і Юй Дэлу, а таксама Супож Саенла з Тайланда і Ау Чы-Вай з Ганконга. Яны гулялі ў папярэднім раўндзе за права выступаць у першым крузе асноўнага турніру супраць васьмярых выпадковых гульцоў, якія прайшлі кваліфікацыйны раўнд: Рода Лоўлера, Роберта Мілкінса, Эндру Хігінсана, Марка Дэвіса, Джэймса Уатану, Тоні Дрэгу, Роры Мак-Лаўда і Б'ёрна Ханевіра.
Асноўная сеткаФінал
Спасылкі
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg){kind=small}
.svg){kind=small}
Portal di Ensiklopedia Dunia
