Адміністрацыйны падзел Швецыі

Тэрыторыя Швецыі падзелена на 21 лен (шведск.: län; традыцыйна — губерня). Лены ў сваю чаргу падзелены на 290 гарадоў і камун.

Кожны лен мае ўласнае кіраўніцтва — губернскую адміністрацыю (sv:länsstyrelse), якая складаецца з губернатара (sv:landshövding) і губернскіх саветнікаў (sv:länsråd), якое прызначае ўрад Швецыі і якое з'яўляецца яго прадстаўніком, а таксама прадстаўніком парламента — рыксдага. Задачай адміністрацыі з'яўляецца каардынацыя мясцовага кіравання ў адпаведнасці з палітыкай урада і рыксдага і, разам з тым, з улікам мясцовых асаблівасцей і патрабаванняў.

Акрамя таго, у кожным лене маецца выбарны орган мясцовага самакіравання — ландстынг (sv:landsting). Адной з галоўных задач ландстынга з'яўляецца забеспячэнне сацыяльнага і медыцынскага абслугоўвання ў лене.

Прадстаўнічыя органы гарадоў - гарадскія думы (sv:stadsfullmäktige), якая выбіраецца насельніцтвам, выканаўчыя - гарадскія ўправы (sv:stadsstyrelse), якія складаюцца з гарадскіх саветнікаў (sv:borgarråd), якія выбіраюцца гарадской думай.

Прадстаўнічыя органы камун - камунальныя думы (sv:kommunfullmäktige), якія выбіраюцца насельніцтвам, выканаўчыя - камунальныя ўправы (sv:kommunstyrelse), якія складаюцца з камунальных саветнікаў (sv:kommunråd), якія выбіраюцца камунальнай думай.

Спіс ленаў

№	Лен	ISO 3166-2:SE	Код	Плошча,^[1] км²	Население,^[2] чал. (2013)	Шчыльнасць, чал./км²	Адміністрацыйны цэнтр	Дата
1	Блекінгэ	SE-K	SE-10	2941	152 864	51,98	Карлскруна	1683
2	Даларна	SE-W	SE-20	28 194	277 142	9,83	Фалун	1634^[3]
3	Готланд	SE-I	SE-09	3140	57 235	18,23	Вісбю	1678 (?)
4	Еўлебарг	SE-X	SE-21	18 191	277 675	15,26	Еўле	1762
5	Халанд	SE-N	SE-13	5454	305 986	56,10	Хальмстад	1719
6	Емтланд	SE-Z	SE-23	49 444	126 209	2,55	Эстэрсунд	1810
7	Ёнчэпінг	SE-F	SE-06	10 475	340 569	32,51	Ёнчэпінг	1687
8	Кальмар	SE-H	SE-08	11 171	233 809	20,93	Кальмар	1634
9	Крунуберг	SE-G	SE-07	8458	186 836	22,09	Векшэ	1674
10	Нарботэн	SE-BD	SE-25	98 911	249 403	2,52	Лулеа	1810
11	Сконэ	SE-M	SE-12	11 027	1 271 281	115,29	Мальмё	1997
12	Стакгольм	SE-AB	SE-01	6488	2 155 475	332,22	Стакгольм	1968
13	Сёдэрманланд	SE-D	SE-04	6061	277 049	45,71	Нючэпінг	1683
14	Упсала	SE-C	SE-03	6989	344 793	49,33	Упсала	1634
15	Вермланд	SE-S	SE-17	17 583	273 619	15,56	Карлстад	1779
16	Вестэрботэн	SE-AC	SE-24	55 401	260 867	4,71	Умеа	1638
17	Вестэрнорланд	SE-Y	SE-22	21 678	242 052	11,17	Хернёсанд	1762
18	Вестманланд	SE-U	SE-19	6302	258 449	41,01	Вестэрос	1634
19	Вестра-Гёталанд	SE-O	SE-14	23 945	1 612 144	67,33	Гётэбарг	1998
20	Эрэбру	SE-T	SE-18	8519	284 840	33,44	Эрэбру	1634
21	Эстэргётланд	SE-E	SE-05	10 562	437 147	41,39	Лінчэпінг	1634
	Швецыя			410 934	9 625 444	23,42	Стакгольм

Кожны лен у сваю чаргу складаецца з муніцыпалітэтаў ці камун (kommun), якіх у наш час налічваецца 290.

Гісторыя

Падзел краіны на лены быў уведзены ў 1634 па ініцыятыве графа Акселя Оксеншэрна з мэтай мадэрнізацыі сістэмы кіравання. Падзел на лены замяніла сабой падзел на правінцыі. У выніку паражэння ў вайне супраць Расіі 1808—1809 і па ўмовах заключанага ў 1809 Фрыдрыхсгамскага мірнага пагаднення Швецыя была вымушана перадаць Расіі свае ўсходнія тэрыторыі — цяперашнюю Фінляндыю і Аландскія астравы. Разам з гэтым зведаў вялікія змены падзел краіны на лены, але сама мадэль захавалася дагэтуль. У Фінляндыі першапачатковая сістэма ленаў захавалася да 1997, калі была праведзена рэформа, якая паменшыла іх колькасць.

Рэарганізаваныя і скасаваныя лены

Гётэбарг і Бохус — уключаны ў склад Вестра-Гёталанд,
Скарабарг — уключаны ў склад Вестра-Гёталанд,
Эльвсбарг — уключаны ў склад Вестра-Гёталанд,
Мальмёхус — уключаны ў склад Сконэ,
Крысціянстад — уключаны ў склад Сконэ,
Копарберг — пераназваны ў Даларна,
Нючэпінг — пераназваны ў Сёдэрманланд,
Хернёсанд — уключаны ў склад Вестэрнорланд,
Худыксваль — уключаны ў склад Вестэрнорланд,
Эланд — аб'яднаны з ленам Кальмар,
Норланд — паасобны на лены Вестэрботэн і Вестэрнорланд.

Стары падзел

Падзел Швецыі на правінцыі (landskap), які існаваў раней, а таксама больш агульны падзел на рэгіёны (landsdelar) цяпер страцілі палітычнае значэнне, але захавалі немалую культурную і гістарычную значнасць. Акрамя таго, назвы рэгіёнаў Гёталанд, Свеаланд і Норланд часта выкарыстоўваюцца ў геаграфічным кантэксце.