Аляксандр Генадзевіч Шумілін

Аляксандр Шумілін
Старшыня Дзяржаўнага камітэта па навуцы і тэхналогіях 15 кастрычніка 2013 — 21 снежня 2021
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў Сяргей Румас Раман Галоўчанка
Папярэднік	Ігар Войтаў
Пераемнік	Сяргей Шлычкоў
Нараджэнне	16 мая 1971(1971-05-16) (54 гады) Куроўшчына, Сялецкі сельсавет, Бярозаўскі раён, Брэсцкая вобласць, БССР, СССР
Адукацыя	БДПА (1993)
Навуковая ступень	доктар эканамічных навук (2016)
Навуковае званне	дацэнт
Месца працы	БНТУ
Узнагароды

Алякса́ндр Гена́дзевіч Шумі́лін (нар. 16 мая 1971(1971-05-16), Куроўшчына, Брэсцкая вобласць) — беларускі дзяржаўны дзеяч, старшыня Дзяржаўнага камітэта па навуцы і тэхналогіях Рэспублікі Беларусь (2013—2021). Доктар эканамічных навук (2016)^[1], дацэнт.

Нарадзіўся 16 мая 1971 года^[2] ў в. Куроўшчына Бярозаўскага раёна Брэсцкай вобласці.

У 1993 годзе скончыў Беларускую дзяржаўную політэхнічную акадэмію^[3].

У ліпені — снежні 1993 года працаваў інжынерам кафедры Беларускай дзяржаўнай політэхнічнай акадэміі.

У 1993—1996 гадах — аспірант Беларускай дзяржаўнай політэхнічнай акадэміі.

Са студзеня 1997 года па 2008 год — асістэнт, старшы выкладчык, дацэнт, загадчык кафедрай Беларускага нацыянальнага тэхнічнага ўніверсітэта.

У кастрычніку — лістападзе 2008 года — прарэктар па навучальнай рабоце Рэспубліканскага інстытута інавацыйных тэхналогій Беларускага нацыянальнага тэхнічнага ўніверсітэта.

У 2008—2010 гадах — галоўны саветнік упраўлення навукі і інавацыйнага развіцця Апарату Савета Міністраў Рэспублікі Беларусь.

У верасні 2010 года — чэрвені 2011 года — прафесар кафедры дзяржаўнага будаўніцтва Інстытута дзяржаўнай службы Акадэміі кіравання пры Прэзідэнце Рэспублікі Беларусь.

У чэрвені 2011 года — снежні 2012 года — загадчык кафедры дзяржаўнага будаўніцтва Інстытута дзяржаўнай службы Акадэміі кіравання пры Прэзідэнце Рэспублікі Беларусь.

З 2012 года па кастрычнік 2013 года — дырэктар Беларускага інавацыйнага фонду.

З 15 кастрычніка 2013 года^[4] па 21 снежня 2021 года працаваў старшынёй Дзяржаўнага камітэта па навуцы і тэхналогіях Рэспублікі Беларусь. 16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь^[5], а 17 снежня 2015 года ўказам Прэзідэнта № 500 зноў зацверджаны на пасадзе старшыні камітэта^[6].

У студзені 2022 года прызначаны акадэмікам-сакратаром Аддзялення фізікі, матэматыкі і інфарматыкі НАН Беларусі.^[7]

• медаль «За ўклад у стварэнне Еўразійскага эканамічнага саюза» II ступені (2015)^[8].