Сяргей Уладзіміравіч Шлычкоў

Сяргей Уладзіміравіч Шлычкоў — беларускі дзяржаўны дзеяч, старшыня Дзяржаўнага камітэта па навуцы і тэхналогіях Рэспублікі Беларусь (з 2021). Палкоўнік^[1]. Кандыдат ваенных навук, дацэнт^[2].

Працаваў першым намеснікам начальніка (па навуковай рабоце) Навукова-даследчага інстытута Узброеных Сіл Рэспублікі Беларусь^[1]. У 2018^[3] — 2019^[4] гадах працаваў дырэктарам Беларускага інстытута сістэмнага аналізу і інфармацыйнага забеспячэння навукова-тэхнічнай сферы.

13 лістапада 2019 года назначаны начальнікам упраўлення навукі і інавацыйнага развіцця Апарату Савета Міністраў Рэспублікі Беларусь^[5]. Пазней працаваў намеснікам начальніка ўпраўлення цыфравізацыі і інавацыйнага развіцця — загадчыкам аддзела навукі і інавацыйнага развіцця Апарату Савета Міністраў Беларусі^[6].

21 снежня 2021 года прызначаны старшынёй Дзяржаўнага камітэта па навуцы і тэхналогіях Рэспублікі Беларусь^[7].