Аляксандр Мікалаевіч Асаткін-Уладзімірскі

Аляксандр Мікалаевіч Асаткін-Уладзімірскі
Аляксандр Мікалаевіч Асаткін-Уладзімірскі
	люты 1924 — май 1924
Папярэднік	пасада заснаваная
Пераемнік	пасада скасаваная
	15 мая 1924 — 2 верасня 1924
Папярэднік	Вільгельм Георгіевіч Кнорын
Пераемнік	Аляксандр Іванавіч Крыніцкі
Нараджэнне	15 кастрычніка 1885; Вазнясенскае[d], Галіцкі павет[d], Кастрамская губерня, Расійская імперыя;
Смерць	2 верасня 1937 (51 год); Масква, РСФСР, СССР;
Партыя	УКП(б) (1904)
Адукацыя	Маскоўскі камерцыйны інстытут

Алякса́ндр Мікала́евіч Аса́ткін-Уладзі́мірскі (15 кастрычніка 1885, Кастрамская губерня — 2 верасня 1937^[1]) — савецкі партыйны і дзяржаўны дзеяч, першы сакратар Камуністычнай партыі (бальшавікоў) Беларусі.

Біяграфія

Член РСДРП(б) з 1904 года. Скончыў Маскоўскі камерцыйны інстытут. Працаваў у Кастрамской, Іванава-Узнясенскай, Уладзімірскай арганізацыях РСДРП(б). Дэлегат 5 з’езда РСДРП (1907)^[2]. За рэвалюцыйную дзейнасць 6 разоў падвяргаўся турэмнаму зняволенню, 2 разы высланы. З 1918 года — член Прэзідыума Усесаюзнага цэнтральнага савета прафесійных саюзаў, член ЦК прафсаюза тэкстыльшчыкаў. З 1921 года — у Туркестанскай АССР (руск.) (бел.: наркам гаспадарчых спраў, намеснік старшыні СНК, старшыня эканамічнага савета^[2]. З 1922 года інструктар ЦК РКП(б). У 1923 годзе узначаліў партыйна-ўрадавую камісію па ўзбуйненні БССР. З лютага 1924 года — сакратар Часовага Беларускага бюро ЦК РКП(б), у маі-верасні 1924 года адказны сакратар ЦК КПБ(б), пасля 1-ы сакратар Уладзімірскага губкама партыі.

У 1927 годзе — інструктар ЦК УКП(б), у 1928 годзе — старшыня праўлення Усесаюзнага Сельскагаспадарчага банка. У студзені 1928 года працаваў у складзе асобай камісіі па высвятленні прычынаў паўстання ў Якуціі^[3].

У 1930—1931 гадах - старшыня выканкама Савета Далёкаўсходняга краю. З 1932 года на партыйнай і гаспадарчай рабоце. Член ЦКК УКП(б) у 1924—1925 гадах. Член ЦК КП(б)Б у 1924-1925 гадах^[2].

Выключаны са складу ЦК КП(б) УССР пастановай пленума ЦК, які праходзіў 3 і 4 ліпеня 1937 года. На наступны дзень, 5 ліпеня, арыштаваны. Расстраляны 2 верасня 1937 года. У 1957 годзе пасмяротна рэабілітаваны.

Ушанаванне памяці

Яго імем названа адна з вуліц горада Уладзімір ў Расіі.

Зноскі

↑ Советская Социалистическая Республика Белорусь 31.07.1920-11.04.1927 (руск.)(недаступная спасылка). Всемирный исторический проект (30 чэрвеня 2009). Архівавана з першакрыніцы 23 чэрвеня 2006. Праверана 28 мая 2012.
↑ ^а ^б ^в Асаткин-Владимирский Александр Николаевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 32. — 737 с..
↑ Национальный вопрос и итоги развития ЯАССР в конце 1920-х и в 30-е годы (руск.)(недаступная спасылка). Паўднёва-ўсходні рэгіянальны рэсурсны цэнтр Якуцкага дзяржаўнага ўніверсітэта (2 ліпеня 2009). Архівавана з першакрыніцы 19 мая 2012. Праверана 28 мая 2012.