Барыс Аркадзевіч Мардвінаў

Барыс Аркадзевіч Мардвінаў
Барыс Аркадзевіч Мардвінаў
Дата нараджэння	24 лістапада (6 снежня) 1899
Месца нараджэння	Масква, Маскоўская губерня, Расійская імперыя;
Дата смерці	9 снежня 1953 (54 гады)
Месца смерці	Масква, РСФСР, СССР;
Грамадзянства	Расійская імперыя; СССР;
Адукацыя	Другая студыя ММТ[d];
Месца працы	Маскоўскі Мастацкі тэатр; Маскоўскі акадэмічны музычны тэатр імя К. С. Станіслаўскага і У. І. Неміровіча-Данчанкі[d]; Варкуцінскі дзяржаўны драматычны тэатр[d]; Саратаўскі акадэмічны тэатр оперы і балета; Беларускі дзяржаўны Вялікі тэатр оперы і балета; Беларуская дзяржаўная акадэмія музыкі; Беларуская дзяржаўная акадэмія мастацтваў; Саратаўская дзяржаўная кансерваторыя імя Л. В. Собінава;
Прафесія	тэатральны рэжысёр, выкладчык
Узнагароды

Барыс Аркадзевіч Мардві́наў^[1] (руск.: Борис Аркадьевич Мордвинов; 6 снежня 1899 — 9 снежня 1953) — савецкі тэатральны рэжысёр і педагог, прафесар (1939), Заслужаны артыст РСФСР (1935).

Біяграфія

Нарадзіўся ў Маскве. У 1921 годзе скончыў 2-ю студыю Маскоўскага Мастацкага тэатра. У 1921—1936 гадах акцёр і рэжысёр. У 1927—1936 рэжысёр, з 1930 года загадчык мастачкай часткі і галоўны рэжысёр Маскоўскага музычнага тэатра^[2]. У 1936—1940 гадах рэжысёр Вялікага тэатра. У 1935—1940 гадах Б. А. Мардвінаў кіраваў кафедрай сцэнічнага майстэрства Дзяржаўнага інстытута тэатральнага майстэрства^[2]. У 1943—1946 гадах мастацкі кіраўнік Варкуцінскага ГУЛАГаўскага тэатра, у 1946—1947 гадах рэжысёр Саратаўскага акадэмічнага тэатра оперы і балета і загадчык кафедры сцэнічнага майстэрства Саратаўскай кансерваторыі^[2]. У 1947—1951 гадах Б. А. Мардвінаў у Дзяржаўным тэатры оперы і балета БССР на пасадзе галоўнага рэжысёра. Адначасова выкладаў у Беларускай кансерваторыі і Беларускім тэатральна-мастацкім інстытуце.

На беларускай сцэне паставіў оперы «Кастусь Каліноўскі» Д. Лукаса, «Алеся» Я. Цікоцкага (1947), «Пікавая дама» П. Чайкоўскага (1948)^[1]. Прымаў удзел у пастаноўцы балетаў «Князь-возера» В. Залатарова (1949), «Чырвоны мак» Р. Гліэра (1950)^[1].

↑ ^а ^б ^в Беларусь 1995.
↑ ^а ^б ^в Музыкальная энциклопедия. / Под ред. Ю. В. Келдыша. — М.: Советская энциклопедия, Советский композитор, 1973—1982. (руск.)

Смольскі Б. С. Мардві́наў Барыс Аркадзевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 464. — 800 с. — 5 000 экз. — ISBN 985-11-0026-9.
Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 109. — 10 000 экз. — ISBN 985-11-0035-8. — ISBN 985-11-0169-9 (т. 10).
Музыкальная энциклопедия. / Под ред. Ю. В. Келдыша. — М.: Советская энциклопедия, Советский композитор, 1973—1982. (руск.)