Беларуская патрыятычная партыя

Беларуская патрыятычная партыя
Беларуская патрыятычная партыя
Лідар	Мікалай Дзмітрыевіч Улаховіч
Дата заснавання	1996
Дата роспуску	2023
Штаб-кватэра	220089, Мінск, вул. Папаніна, 7, каб. 107
Краіна	Беларусь;
Ідэалогія	сацыялізм,; прапрэзідэнцкая, кансерватызм, правацэнтрызм.
Колькасць членаў	1103 (2002)
Месцаў у Палаце прадстаўнікоў	1 / 110 (2008—2012) 0 / 110 (2012—2016) 3 / 110 (2016—2019) 2 / 110 (2019—2023)
Месцаў у мясцовых Саветах дэпутатаў усіх узроўняў	0 / 18809
Сайт	консерватизм.бел

Беларуская патрыятычная партыя — палітычная партыя Беларусі. Створаная ў 1996 г. з ліку актыўных прыхільнікаў Аляксандра Лукашэнкі.

Лідарам партыі з’яўляецца Мікалай Улаховіч. Лідар партыі адначасова з’яўляецца старшынёй грамадскага аб’яднання «Беларускае казацтва». Кіруючы орган — Савет.

Мэты

Садзейнічанне пабудове сацыяльна справядлівага грамадства; садзейнічанне ўтварэнню абнаўленнага саюза брацкіх народаў і ў першую чаргу Расіі, Беларусі, Украіны; падтрымка прэзідэнта ў яго намаганнях па выкананні прадвыбарнай праграмы і неадкладных мер па вываду Беларусі з крызісу; абарона нацыянальных інтарэсаў, гонару і годнасці Айчыны ва ўсіх сферах^[3]. Сярод праграмных пунктаў БПП значылася нават скасаванне Белавежскіх пагадненняў.

Гісторыя

Партыя першапачаткова стваралася як Беларускі патрыятычны рух каб падтрымаць вылучэнне Аляксандра Лукашэнкі на пасаду прэзідэнта^[4]. Лідарам партыі стаў генерал-маёр, заслужаны лётчык СССР, намеснік старшыні Саюза афіцэраў Беларусі Анатоль Баранкевіч.

Партыя рэгулярна прымае ўдзел у выбарах (яе саюзнік Камуністычная партыя Беларусі), супрацоўнічае з Беларускім Экзархатам РПЦ і арганізацыямі былых ваеннаслужачых.

19 жніўня 2000 года на з’ездзе БПП вылучыла 16 кандыдатаў на парламенцкія выбары^[5].

Пры праверцы карэспандэнта Тэлеграфа офісаў зарэгістраваных у Беларусі партый, высветлілася, што БПП не знаходзіцца па гэтым адрасе ўжо мінімум з 2009 года, што не адпавядае інфармацыі размешчанай на афіцыйным сайце Міністэрства юстыцыі Беларусі^[6].

Восенню 2015 года Мікалай Улаховіч заявіў, што Беларуская патрыятычная партыя налічвае паўтары тысячы сяброў.

Улетку 2020 года партыя заклікала выбаршчыкаў на будучых прэзідэнцкіх выбарах падтрымаць кандыдатуру Аляксандра Лукашэнкі.