Вуліца Раманаўская Слабада

Вуліца Раманаўская Слабада Мінск
Агульная інфармацыя
Краіна	Беларусь
Горад	Мінск
Гістарычны раён	Раманаўская Слабада
Працягласць	830 м
Ранейшыя назвы	Раманаўскі зав., Старараманаўская, Новараманаўская, з 1922 г. — Рэспубліканская.
Назва ў гонар	Раманаўская Слабада
Медыяфайлы на Вікісховішчы

Вуліца Раманаўская Слабада (руск.: улица Романовская Слобода) — вуліца ў цэнтры Мінска. Праходзіць ад вуліцы Няміга да вуліцы Мельнікайтэ і Юбілейнай плошчы.

Узнікла ў пачатку XIX ст. на месцы Землянога вала^[1]. Да вуліцы прылягала слабада Раманава.

У дарэвалюцыйны перыяд тут сялілася гарадская бедната, вуліца была хаатычна забудаваная драўлянымі хатамі, крамамі, корчмамі.

Увосень 1905 года ў доме Катон Басі (вуліца Новараманаўская, 13, на скрыжаванні цяперашніх вуліц Няміга і Раманаўская Слабада, у пачатку сквера Адама Міцкевіча) адкрытае прыватнага жаночага камерцыйнага вучылішча І. І. Самойлы^[2].

У 1922 годзе перайменавана ў Рэспубліканскую^[3].

У 1933 годзе пракладзена трамвайная лінія. У час Вялікай Айчыннай вайны на вуліцы размяшчаўся лагер для ваеннапалонных, гета.

У 1961 годзе на месцы драўляных хат пабудаваны кінатэатр «Беларусь».

Па вуліцы праходзяць аўтобусныя маршруты 40, 50, і тралейбусныя 9, 13^[4], 14, 57.

• На Вікісховішчы ёсць медыяфайлы па тэме Вуліца Раманаўская Слабада