Дзмітрый Аляксеевіч Харытонаў

Дзмітрый Харытонаў
Поўнае імя	Дзмітрый Аляксеевіч Харытонаў
Нарадзіўся	12 красавіка 1997(1997-04-12)[1] (28 гадоў) Віцебск, Віцебская вобласць, Беларусь[2]
Грамадзянства	Беларусь
Рост	186 см
Пазіцыя	брамнік
Інфармацыя пра клуб
Клуб	Віцебск
Нумар	12
Клубная кар’ера[* 1]
2013—2019 Віцебск 0 (0) 2013—2014 →  Віцебск-2 8 (-9) 2017 →  Орша 30 (-47) 2018 →  Нафтан (Наваполацк) 26 (-22) 2019 →  Орша 27 (-53) 2021 Слуцк 7 (-14) 2022— Віцебск 0 (0)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 17 студзеня 2023.

Дзмітрый Аляксеевіч Харытонаў (нар. 12 красавіка 1997, Віцебск) — беларускі футбаліст, брамнік клуба «Віцебск».

Выхаванец клуба «Віцебск», у 2013—2014 гадах выступаў за каманду «Віцебск-2» у Другой лізе, а пасля стаў гуляць за дубль «Віцебска». Сезон 2017 правёў у арэндзе ў «Оршы», дзе стаў трывалым іграком асновы, а ў лютым 2018 года быў пераведзены ў наваполацкі «Нафтан»^[3], дзе таксама замацаваўся ў стартавым складзе.

Да сезона 2019 рыхтаваўся з «Віцебскам», а ў красавіку зноў адправіўся ў арэнду ў «Оршу». У пачатку 2020 года трэніраваўся з «Віцебскам», аднак у студзені быў дыскваліфікаваны на адзін год за ўдзел у дагаварных матчах у складзе «Нафтана» ў 2018 годзе^[4], пасля чаго пакінуў віцебскі клуб.

У лютым 2021 года, пасля заканчэння тэрміну дыскваліфікацыі, падпісаў кантракт са «Слуцкам»^[5]. 14 сакавіка 2021 года дэбютаваў у Вышэйшай лізе, адгуляўшы ўсе 90 хвілін у матчы супраць БАТЭ (0:3). У далейшым працягваў выхадзіць у стартавым складзе случан, а з чэрвеня страціў месца ў аснове.

У студзені 2022 года па пагадненні бакоў разарваў кантракт са «Слуцкам»^[6]. Хутка стаў трэніравацца ў «Віцебскам» і падпісаў пагадненне з клубам^[7]. У сезоне 2022 быў другім брамнікам каманды, згуляў толькі ў матчы Кубка Беларусі супраць рагачоўскага «Макслайна» (21 чэрвеня, выніковы лік 3:2). У студзені 2023 года падоўжыў кантракт з віцебскім клубам^[8].

Сезон	Дывізіён	Клуб	Краіна	Матчы	Галы
2013	Д3	Віцебск-2		3	-6
2014	Д3	Віцебск-2		5	-3
2015	дубль	Віцебск		20	-27
2016	дубль	Віцебск		19	-25
2017	Д2	Орша		30	-47
2018	Д2	Нафтан		26	-22
2019	Д2	Орша		27	-53
2021	Д1	Слуцк		7	-14
2022	дубль	Віцебск		13	-?

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе^[9][10].