Кастрышча

Вёска Кастрышча Краіна Беларусь Вобласць Гомельская Раён Буда-Кашалёўскі Сельсавет Кашалёўскі Каардынаты 52°45′26″ пн. ш. 30°32′23″ у. д.HGЯO Першая згадка XVIII стагоддзе Колькасць двароў 16 Насельніцтва 18 чалавек (2004) Часавы пояс UTC+3 Тэлефонны код +375 2336 Аўтамабільны код 3 Кастрышча на карце Беларусі ±

Кастры́шча^[1] (трансліт.: Kastryšča, руск.: Кострище) — вёска ў Буда-Кашалёўскім раёне Гомельскай вобласці. Уваходзіць у склад Кашалёўскага сельсавета.

На захадзе мяжуе з лесам.

У 4 км на поўнач ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 52 км ад Гомеля.

На поўначы рака Ліпа і меліярацыйныя каналы.

Транспартныя сувязі па прасёлкавай, затым аўтадарогах, якія адыходзяць ад Буда-Кашалёва.

Планіроўка складаецца з дзвюх прамалінейных вуліц, арыентаваных з паўднёвага ўсходу на паўночны захад і забудаваных двухбакова, няшчыльна драўлянымі дамамі сядзібнага тыпу.

Заснавана ў канцы XVIII стагоддзя. Напачатку XIX стагоддзя невялікае паселішча з карчмой. У 1850 годзе ў складзе Кашалёўскага казённага маёнтка. З 1883 года дзейнічаў хлебазапасны магазін. Па перапісу 1897 года знаходзіліся: школа граматы, вятрак. У 1909 годзе — 281 дзесяцін зямлі, у Кашалёўскай воласці Рагачоўскага павета Магілёўскай губерні.

У 1929 годзе арганізаваны калгас. На фронце загінулі 32 жыхара мястэчка. У 1959 годзе ў складзе саўгаса «Шарыбаўскі» (цэнтр — вёска Шарыбаўка).

• 2004 год — 16 гаспадарак, 18 жыхароў.

• 1850 год — 15 двароў, 55 жыхароў.
• 1897 год — 29 двароў, 203 жыхара (паводле перапісу).
• 1909 год — 39 двароў, 278 жыхароў.
• 1959 год — 265 жыхароў (паводле перапісу).
• 2004 год — 16 гаспадарак, 18 жыхароў.

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

• На Вікісховішчы пакуль няма медыяфайлаў па тэме, але Вы можаце загрузіць іх