Ключагорская

Вёска Ключагорская Краіна Беларусь Вобласць Віцебская Раён Гарадоцкі Сельсавет Віраўлянскі Каардынаты 55°45′46″ пн. ш. 29°48′14″ у. д.HGЯO Ранейшыя назвы Бедавіцы Насельніцтва 0 чалавек (2018) Часавы пояс UTC+3 Тэлефонны код +375 2139 Аўтамабільны код 2 СААТА 2218818033 Ключагорская на карце Беларусі ±

Ключаго́рская^[1] (трансліт.: Kliučahorskaja, руск.: Ключегорская) (да 30 ліпеня 1964 года Бедавіцы^[2]) — вёска ў Гарадоцкім раёне Віцебскай вобласці Беларусі. Уваходзіць у склад Віраўлянскага сельсавета.

Знаходзіцца на рацэ Обаль, за 53 км на паўночны захад ад горада Гарадок, за 16 км ад чыгуначнай станцыі Езярышча на лініі Віцебск — Невель, за 95 км ад Віцебска. Рэльеф раўнінны. На поўдзень і ўсход працякае рака Обаль (прыток Заходняй Дзвіны). У цэнтры цячэ ручай, які ўпадае ў раку Обаль. На захадзе знаходзіцца лясны масіў. За за 1,2^[3] (за 1,5 км^[4]) у напрамку на паўночны захад ад вёскі знаходзіцца возера Сцернік (Бусоўля) Транспартныя сувязі па мясцовай дарозе праз вёску Лапцёўка і далей па шашы Гарадок — Невель. У вёсцы ніхто не жыве (2018).

У канцы XVIII cтагоддзя вёска Бедавіцы ў Гарадоцкім павеце Полацкай губерні. У 1802 годзе ў Віцебскай губерні. У 1839 годзе складзе войтаўства Обаль, казённая ўласнасць. У 1850 годзе 12 дзесяцін ворыва, 4,5 дзесяціны сенажаці. У канцы XIX — пачатку XX стагоддзя вёска ў Обальскай воласці Гарадоцкага павета Віцебскай губерні. Адносілася да Прусаўскай сельскай грамады і Обальскага праваслаўнага прыхода. У 1905 годзе было 25 дзесяцін сельскагаспадарчых угоддзяў, 2 дзесяціны лесу, капліца на могілках. У 1920 годзе працавала школа 1-й ступені. У сакавіку 1924 года вернута ў склад БССР. За 30 жніўня 1924 года ў Халамерскім сельсавеце Езярышчанскага раёна Віцебскай акругі (да 26 ліпеня 1930 года). З 12 кастрычніка 1929 года ў Гарадоцкім, з 12 снежня 1935 года Мехаўскім раёнах. З 20 лютага 1938 года ў Віцебскай вобласці. У Вялікую Айчынную вайну ў лістападзе 1942 года спалена нацыстамі, загінулі 27 жыхароў. З фронту не вярнуліся 3 вяскоўцы. У 1953 годзе пачала дзейнічаць Ключагорская ГЭС на рацэ Обаль. З 18 сакавіка 1958 года ў Езярышчанскім, з 25 снежня 1962 года ў Гарадоцкім раёнах. У 1970 годзе ў саўгасе «Маяк». У 1997 годзе працавала ферма. Да 2004 года ўваходзіла ў склад Халамерскага сельсавета^[5]. У 2012 годзе ў складзе КУСП «Маяк».

• 7 двароў, 57 рэвізскіх душ (1785)
• 1 двор, 5 рэвізскіх душ (1850)
• 3 двары, 27 жыхароў (1897)
• 21 двор, 161 жыхар (1905)
• 24 двары (1918)
• 22 двары, 92 жыхары (1920)
• 20 двароў, 106 жыхароў (1925)
• 25 двароў, 171 жыхар (1940)
• 52 жыхары (1970)
• 11 гаспадарак, 14 жыхароў (1997)
• 6 гаспадарак, 7 жыхароў (2002)
• 1 гаспадарка, 1 жыхар (2012)
• 0 жыхароў (2018)

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 14. — 72 с. — 10 000 экз. — ISBN 978-985-508-136-5. (руск.)
• Лист карты N-35-12. Издание 1987 года. Состояние местности на 1984 год. (руск.)

• На Вікісховішчы пакуль няма медыяфайлаў па тэме, але Вы можаце загрузіць іх