Княжыцкі сельсавет (Магілёўскі раён)

Княжыцкі сельсавет
Краіна	Беларусь
Уваходзіць у	Магілёўскі раён
Уключае	20 населеных пунктаў
Адміністрацыйны цэнтр	Княжыцы
Дата ўтварэння	20 жніўня 1924
Старшыня сельсавета	Палтаран Віктар Андрэевіч
Кіраўнік спраў	Галынкіна Надзея Мікалаеўна
Насельніцтва (2019)	2 394
Часавы пояс	UTC+03:00
Тэлефонны код	+375 212
Код аўтам. нумароў	6
Афіцыйны сайт

Кня́жыцкі сельсавет — адміністрацыйна-тэрытарыяльная адзінка ў складзе Магілёўскага раёна Магілёўскай вобласці Беларусі. Цэнтр — аграгарадок (да 2008 года вёска) Княжыцы.

Утвораны 20 жніўня 1924 года ў складзе Магілёўскага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Магілёўскім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Бракаўскага сельсавета^[1]. У 1998 годзе скасавана вёска Азараўка (далучана да вёскі Булыжыцы). 29 ліпеня 2008 года ў сувязі з аб’яднаннем вёсак Княжыцы і Сумарокава ў адзін населены пункт, цэнтр сельсавета перайменаваны ў Княжыцы-Сумарокава і рэарганізаваны ў аграгарадок.

Насельніцтва сельсавета паводле перапісу 2009 года — 2654 чалавекі^[2], з іх 93,1 % — беларусы, 4,8 % — рускія, 1,1 % — украінцы^[3]; паводле перапісу 2019 года — 2394 чалавекі^[4].

У склад сельсавета ўваходзіць 20 населеных пунктаў (2009 г.):

Скасаваныя населеныя пункты на тэрыторыі сельсавета:

• Азараўка — пасёлак.
• Драбіншчына — пасёлак.
• Дуброва — вёска.
• Засценак — пасёлак.
• Захват — пасёлак.
• Сіроціна — вёска.
• Язершчына — пасёлак.

• Касцёл Святога Мікалая (1750—1791)

• Матэст Мендзялевіч Агрэст (1915—2005) — савецкі і амерыканскі матэматык, доктар фізіка-матэматычных навук, удзельнік атамнага праекта ў Арзамасе-16, заснавальнік тэорыі палеавізітаў, нарадзіўся ў Княжыцах
• Лідзія Васільеўна Аўсеенка (нар. 1914) — Герой Сацыялістычнай Працы, нарадзілася ў вёсцы Забор’е.
• Ціхан Піменавіч Бумажкоў (1910—1941) — адзін з арганізатараў і кіраўнікоў партызанскага руху на тэрыторыі Палескай вобласці падчас Вялікай Айчыннай вайны, Герой Савецкага Саюза, у 1930 годзе скончыў школу рабочай моладзі ў Княжыцах
• Іван Макаравіч Ільюшын (1903—1997) — беларускі філосаф і савецкі дзяржаўны дзеяч, міністр асветы БССР, член-карэспандэнт АН БССР, нарадзіўся ў вёсцы Прокшанічы
• Уладзімір Сямёнавіч Камароў (нар. 1923) — беларускі хімік, акадэмік Акадэміі Навук Беларускай ССР, нарадзіўся ў Княжыцах
• Павел Васільевіч Масленікаў (1914—1995) — беларускі мастак, Заслужаны дзеяч мастацтваў БССР, Народны мастак Беларусі, нарадзіўся ў вёсцы Нізкая Вуліца
• Васіль Матэвушаў (1915—1974) — беларускі паэт і пісьменнік, нарадзіўся ў Княжыцах
• Васіль Іосіфавіч Мельнікаў (1922—1970) — савецкі ваеначальнік, генерал-маёр, нарадзіўся ў вёсцы Бракава^[5]
• Іосіф Абрамавіч Шульман (1912—1990) — вядомы беларускі савецкі рэжысёр, нарадзіўся ў Княжыцах

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
• Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.
• Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — С. 216. — 10 000 экз. — ISBN 985-11-0041-2.