Краснаўскі сельсавет

Краснаўскі сельсавет
Краіна	Беларусь
Статус	сельсавет
Уваходзіць у	Светлагорскі раён
Уключае	16 населеных пунктаў
Адміністрацыйны цэнтр	Краснаўка
Дата ўтварэння	16 ліпеня 1954
Старшыня сельсавета	Сяргей Сяргеевіч Кавальчук
Насельніцтва (2019)	906
Плошча	308,84 км²
Часавы пояс	UTC+03:00
Тэлефонны код	+375 2342
Паштовыя індэксы	247417
Код аўтам. нумароў	3
Афіцыйны сайт

Кра́снаўскі сельсавет — адміністрацыйна-тэрытарыяльная адзінка ў складзе Светлагорскага раёна Гомельскай вобласці Беларусі. Цэнтр — вёска Краснаўка.

• Агульная плошча: 308,84 км²
• Размяшчэнне: паўночна-заходняя частка Светлагорскага раёна
• Мяжуе:
  • на поўначы — з Бабруйскім раёнам
  • на паўднёвым захадзе — з Акцябрскім раёнам
  • на поўдні — з Парыцкім сельсаветам Светлагорскага раёна
  • на ўсходзе — са Жлобінскім раёнам

• Па тэрыторыі сельсавета праходзяць аўтамабільныя дарогі: Р31 · Н5002 · Н5005 · Н5023 · Н5031 · Н5033
• Рэкі: Бярэзіна.

Утвораны 16 ліпеня 1954 года ў складзе Парыцкага раёна Гомельскай вобласці БССР шляхам аб’яднання скасаваных Каралёваслабадскога і Коўчыцкага сельсаветаў^[1]. 29 ліпеня 1961 года Парыцкі раён перайменаваны ў Светлагорскі. 26 сакавіка 1987 года ў склад сельсавета з Казлоўскага сельсавета перададзены 4 населеныя пункты (вёскі Завічча, Міхайлаўка, Новая Беліца і Старая Беліца)^[2].

На тэрыторыі сельсавета буйным сельскагаспадарчым прадпрыемствам з’яўляецца Міхайлаўскае-агра. Гэтак жа працуюць два прадпрыемствы лясной гаспадаркі Светлагорскага лясгаса ў вёсках Краснаўка і Коўчыцы 2. На тэрыторыі сельсавета зарэгістравана адна прыватная фермерская гаспадарка.

Гандаль

Гандлёвае абслугоўванне ажыццяўляе Светлагорскае райпо ў вёсках: Міхайлаўка, Краснаўка, Коўчыцы 2, Данілоўка, Васілёўка, Каралёва Слабада 2. Астатнія вёскі абслугоўваюцца аўталаўкай.

Ахова здароўя

Медыцынскае абслугоўванне прадстаўлена 3 фельчарска-акушэрскімі пунктамі ў Краснаўцы, Коўчыцах 2, Васілёўцы.

Адукацыя і культура

На тэрыторыі сельсавета працуе: Краснаўская яслі-сад сярэдняя школа. Дом культуры ў вёсках Міхайлаўка і Коўчыцы 2. Бібліятэкі ў Краснаўцы і Міхайлаўцы.

Насельніцтва сельсавета паводле перапісу 2009 года — 1497 чалавек^[3], з іх 85,1 % — беларусы, 12,9 % — рускія, 0,9 % — украінцы^[4]; паводле перапісу 2019 года — 906 чалавек^[5].

Мясцовая ўлада прадстаўлена Краснаўскім сельскім Саветам дэпутатаў і сельскім выканаўчым камітэтам. Месца знаходжання — вёска Краснаўка, вуліца Дарожная, дом 3.

Савет дэпутатаў падзелены на 11 акруг.

• Тэрыторыя былога горада «Казімір» (XVII стагоддзе) —  Гісторыка-культурная каштоўнасць Беларусі, шыфр [1]шыфр
• Курганны магільнік перыяду ранняга сярэднявечча ля в. Коўчыцы 2
• Ваенныя помнікі і мемарыялы ў вёсках: Малімоны, Коўчыцы 1, Коўчыцы 2, Новая Беліца.

• Административно-территориальное устройство БССР: справочник: в 2 т. / С.Д. Гриневич и др. — Главное архивное управление при Совете Министров БССР, Институт философии и права Академии наук БССР. — Т. 2: (1944―1980 гг.). — Минск: «Беларусь», 1987. — 283 с.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.