Ляплёўка

Вёска Ляплёўка Краіна Беларусь Вобласць Брэсцкая Раён Брэсцкі Сельсавет Дамачаўскі Каардынаты 51°45′43″ пн. ш. 23°39′18″ у. д.HGЯO Насельніцтва 508 чалавек (2005) Часавы пояс UTC+3 Тэлефонны код +375 162 Паштовы індэкс 225020 Аўтамабільны код 1 СААТА 1212805041 Ляплёўка на карце Беларусі ±

Ляплёўка на Вікісховішчы

Ляплёўка^[1] (трансліт.: Liaplioŭka, руск.: Леплёвка) — вёска ў Брэсцкім раёне Брэсцкай вобласці. Уваходзіць у склад Дамачаўскага сельсавета. Размешчана за 42 км на поўдзень ад Брэста, на рацэ Капаеўцы (прыток Заходняга Буга), на аўтадарозе Брэст — Тамашоўка.

У складзе адкрытага акцыянернага таварыства «Брэстрайаграсэрвіс» (цэнтр — гарадскі пасёлак Дамачава).

У XIX стагоддзі вёска ў Брэсцкім павеце Гродзенскай губерні. Уваходзіла ў маёнтак Дамачава, якім валодаў князь Вітгенштэйн; 196 мужчын, 108 жанчын. У 1875 годзе ў вёсцы быў пабудаваны з цэглы сядзібны дом, акружаны пейзажным паркам плошчай 7 га. У 1886 годзе працавалі вадзяны млын і лесапільня. У 1890 годзе сяляне вёскі ў Клейнікаўскім сельскагаспадарчым таварыстве, якое мела 368,7 дзесяцін зямлі. У 1897 годзе дзейнічала школа граматы, хлебазапасны магазін, 2 вадзяныя млыны, карчма.

Паводле Рыжскага мірнага дагавора 1921 года ў складзе Польскай Рэспублікі, у Дамачаўскай гміне Брэсцкага павета Палескага ваяводства. У ліпені 1933 года ў вёсцы адбылося выступленне сялян супраць падатковага прыгнёту.

З 1939 года ў складзе БССР. У 1940 годзе ў складзе Дамачаўскага раёна, цэнтр сельсавета. У Вялікую Айчынную вайну фашысты знішчылі 54 двары, загубілі 15 мірных жыхароў; 25 вяскоўцаў загінулі на фронце, 3 — у партызанах.

23 верасня 1942 года гітлераўцы вывезлі з Дамачаўскага дзіцячага дома 55 дзяцей разам з выхавацельніцай П. Грахольскай і расстралялі іх каля в. Ляплёўка.

У 1956 годзе аднесена да Брэсцкага раёна ў сувязі з ліквідацыяй Дамачаўскага раёна. Да 1957 года цэнтр Ляплёўскага сельсавета^[2]. З 1959 года ў складзе саўгаса «Дамачаўскі».

• 178 двароў, 1009 жыхароў (1876)
• 51 двор, 614 жыхароў (1886)
• 149 двароў, 808 жыхароў (1897)
• 870 жыхароў (1905)
• 22 двары, 162 жыхары (1921)
• 220 двароў, 460 жыхароў (1940)
• 741 жыхар (1970)
• 229 гаспадарак, 564 жыхары (1997)
• 208 гаспадарак, 508 жыхароў (2005)

• Базавая школа

• Магіла ахвяр фашызму (1942) —  Гісторыка-культурная каштоўнасць Беларусі, шыфр 113Д000095шыфр 113Д000095

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

• На Вікісховішчы ёсць медыяфайлы па тэме Ляплёўка