Ліскаўскі сельсавет (Рэчыцкі раён)

Ліскаўскі сельсавет
Краіна	Беларусь
Уваходзіць у	Рэчыцкі раён
Уключае	3 населеныя пункты
Адміністрацыйны цэнтр	Ліскі
Дата ўтварэння	8 снежня 1926, 29 студзеня 1964
Дата скасавання	16 ліпеня 1954
Насельніцтва (2019)	609
Часавы пояс	UTC+03:00
Код аўтам. нумароў	3
Афіцыйны сайт

Лі́скаўскі сельсавет — адміністрацыйна-тэрытарыяльная адзінка ў складзе Рэчыцкага раёна Гомельскай вобласці. Цэнтр — аграгарадок (да 2011 г. вёска) Ліскі.

Пасля другога ўзбуйнення БССР з 8 снежня 1926 года сельсавет у складзе Васілевіцкага раёна Рэчыцкай акругі БССР. З 9 чэрвеня 1927 года ў складзе Гомельскай акругі. З 4 жніўня 1927 года ў складзе Рэчыцкага раёна. 30 снежня 1927 года сельсавет узбуйнены, у яго склад увайшла тэрыторыя скасаванага Крынкаўскага сельсавета. Пасля скасавання акруговай сістэмы 26 ліпеня 1930 года ў Рэчыцкім раёне БССР. З 20 лютага 1938 года ў складзе адноўленага Васілевіцкага раёна Палескай вобласці, з 8 студзеня 1954 года — Гомельскай вобласці. 16 ліпеня 1954 года скасаваны, тэрыторыя далучана да Бабіцкага сельсавета^[1].

29 студзеня 1964 года ўтвораны зноў у складзе Рэчыцкага раёна Гомельскай вобласці з часткі Бабіцкага сельсавета, у склад сельсавета ўвайшлі населеныя пункты Асавок, Крынкі і Ліскі^[2].

Насельніцтва сельсавета паводле перапісу 2009 года — 899 чалавек^[3], з іх 96,1 % — беларусы, 2,2 % — рускія, 1,0 % — украінцы^[4]; паводле перапісу 2019 года — 609 чалавек^[5].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.