Крыштаф Жыгімонт Пац

Крыштаф Жыгімонт Пац
Герб «Газдава»
Вялікі канцлер літоўскі 1658 — 1684
Папярэднік	Альбрэхт Станіслаў Радзівіл
Пераемнік	Марцыян Аляксандр Агінскі
Нараджэнне	1621[1][2][…]
Смерць	10 студзеня 1684(1684-01-10)[3][4] Бельведэр, Сьрудмесце, Варшава, Варшаўская зямля[d], Мазавецкае ваяводства, Велікапольская правінцыя, Карона Каралеўства Польскага, Рэч Паспалітая, Польшча[4]
Месца пахавання	Пажайсліскі манастыр[5]
Род	Пацы
Бацька	Стэфан Пац[6]
Маці	Ганна Марцыбела Рудаміна-Дусяцкая
Жонка	Клара Ізабела дэ Меі[d][7]
Дзеці	Сын (памёр у маленстве)
Адукацыя	Універсітэт Перуджы Ягелонскі ўніверсітэт[8] Падуанскі ўніверсітэт Льежскі ўніверсітэт Грацкі ўніверсітэт імя Карла і Франца
Дзейнасць	палітыка[9]
Медыяфайлы на Вікісховішчы

Крыштаф Жыгімонт Пац (1621 — 10 студзеня 1684) — вялікалітоўскі дзяржаўны і ваенны дзеяч. Вялікі харунжы літоўскі (1646—1656), падканцлер літоўскі (1656—1658), вялікі канцлер літоўскі (з 1658).

Быў старостам ковенскім, пінскім і астрынскім, адміністратарам Гарадзенскай і Аліцкай эканоміяў.

Паохдзіў з магнацкага роду Пацаў герба «Газдава». Сын Стэфана Паца і Ганны Марцыбелы Рудаміны-Дусяцкай.

Вычыўся ва ўніверсітэтах Кракава, Льежа і Перуджы. У Рыме дамогся дазволу запрасіць у Пажайск камедулаў, фундаваў там іхні кляштар. Служыў у французскай, іспанскай і галандскай арміях.

Карыстаўся вялікім даверам караля і ўвесь свой час праводзіў пераважна ў кампаніі манарха. Прытрымліваўся французскай арыентацыі, з’яўляўся прыхільнікам ідэй каралевы Людвікі Марыі Ганзагі.

У 1658 годзе атрымаў пасаду вялікага канцлера літоўскага. Быў адным з лідараў партыі, якая выступала за каранацыю Міхала Вішнявецкага (1669). Выступіў супраць абрання Яна Сабескага (1674), пасля яго абрання каралём, падаўся ў апазіцыю.

У 1673 годзе Крыштаф Пац дабіўся прыняцця закона, паводле якога кожны трэці сойм павінны быў праходзіць у Гродне.

Памёр у 1684 годзе, нашчадкаў не пакінуў, адзіны яго сын памёр у васьмігадовым узросце.

• Грыцкевіч А. Пацы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 423. — 792 с. — ISBN 985-11-0378-0 (т. 2), ISBN 985-11-0315-2.
• Сагановіч Г. Невядомая вайна: 1654—1667 / Генадзь Сагановіч. — Мн.: Навука і тэхніка, 1995.— 143, [2] с.: іл. — ISBN 5-343-01637-5.

• Генеалогія Пацаў Архівавана 5 кастрычніка 2013.