На Заходнім фронце без перамен (фільм, 2022)

На Заходнім фронце без перамен
На Заходнім фронце без перамен;
	ням.: Im Westen nichts Neues
Жанры	ваенны фільм[d], драматычны фільм і экранізацыя рамана[d]
Рэжысёр	Эдвард Бергер[d];
Прадзюсар	Даніэль Бруль;
На аснове	На Заходнім фронце без перамен
Сцэнарыст	Lesley Paterson[d];
У галоўных; ролях	Felix Kammerer[d]; Даніэль Бруль; Albrecht Schuch[d]; Devid Striesow[d]; Aaron Hilmer[d]; Edin Hasanović[d]; Thibault de Montalembert[d]; Andreas Döhler[d]; Michael Stange[d]; Nico Ehrenteit[d]; Adrian Grünewald[d]; Wolf Danny Homann[d]; Tobias Langhoff[d]; Sascha Nathan[d]; Hendrik Heutmann[d]; Peter Sikorski[d]; Sebastian Hülk[d]; Charles Morillon[d]; Антон фон Люке[d]; Alžběta Malá[d];
Аператар	James Friend[d];
Кампазітар	Гаўшка[d];
Мастак-пастаноўшчык	Christian M. Goldbeck[d]
Працягласць	147 хв.
Краіны	Германія; ЗША;
Мовы	нямецкая і французская
Год	12 верасня 2022 і 28 кастрычніка 2022
IMDb	ID 1016150
Афіцыйны сайт

«На Заходнім фронце без перамен» (ням.: Im Westen nichts Neues, англ.: All Quiet on the Western Front, фр.: À l'Ouest, rien de nouveau) — нямецкі антываенны фільм рэжысёра Эдварда Бергера, заснаваны на аднайменным рамане Эрыха Марыі Рэмарка.

Прэм’ера фільма адбылася 12 верасня 2022 года на штогадовым Кінафестывалі ў Таронта. Прэм’ера ў кінатэатрах Германіі адбылася 29 верасня, а сусветная прэм’ера на платформе Netflix прайшла 28 кастрычніка 2022 года.

Фільм атрымаў 14 намінацый на 76-й цырымоніі ўручэння прэміі BAFTA (выйграўшы сем, у тым ліку за найлепшы фільм) і дзевяць на 95-й цырымоніі ўручэння прэміі «Оскар», у тым ліку за найлепшы фільм, і выйграў чатыры: за найлепшы міжнародны поўнаметражны фільм, за найлепшую аператарскую працу, за найлепшую арыгінальную музыку і за найлепшая праца мастака. Фільм быў намінаваны ў дванаццаці катэгорыях «Нямецкай кінапрэміі» 2023 года і выйграў восем, уключаючы сярэбраную ўзнагароду^[4].

Сюжэт

Германская імперыя, вясна 1917 года. Трэці год ідзе кровапралітная вайна. Пад дзеяннем патрыятычнай прапаганды старшакласнік Паўль Боймер разам са сваімі сябрамі-аднакласнікамі адпраўляецца добраахвотнікам на фронт. Натхнёныя праніклівымі прамовамі, юнакі гараць імкненнем перамагчы ворага і ўпэўненыя, што на фронце іх чакаюць слаўныя перамогі і ўзнагароды за праяўлены гераізм. Аднак ваенная рэальнасць аказваецца далёкай ад юнацкіх мрояў. Хлопцы сутыкаюцца са страшнай рэчаіснасцю акопных будняў, паўсюднай жорсткасцю і смерцю. Патрыятычная эйфарыя ў момант выпараецца, пакідаючы месца горкаму расчараванню і паступоваму разуменню, што яны толькі пешкі ў чыёйсьці жорсткай гульні.