Рагачы (Бярозаўскі раён)

Вёска Рагачы Краіна Беларусь Вобласць Брэсцкая Раён Бярозаўскі Сельсавет Сялецкі Каардынаты 52°37′32″ пн. ш. 24°43′05″ у. д.HGЯO Насельніцтва ▼6 чал. (2019) Часавы пояс UTC+3 Тэлефонны код +375 1643 Аўтамабільны код 1 СААТА 1208854056 Рагачы на карце Беларусі ±

Рагачы́^[1] (трансліт.: Rahačy, руск.: Рогачи) — вёска ў Бярозаўскім раёне Брэсцкай вобласці. Уваходзіць у склад Сялецкага сельсавета. Размешчана за 23 км ад Бярозы, за 24 км ад чыгуначнай станцыі Бяроза-Картузская.

Паводле перапісу 1897 года в. Рагачы ў Наскоўскай воласці Пружанскага павета Гродзенскай губерні. Каля вёскі знаходзілася лясная кантора.

З 1915 года акупіравана германскімі войскамі, з 1919 г да ліпеня 1920 года і з жніўня 1920 года — войскамі Польшчы.

З 1921 года ў складзе Наскоўскай гміны Палескага ваяводства. Польшчы, з 1926 года ў Сялецкай гміне.

З 1939 года ў БССР, з 1940 года вёска ў Сашыцкім сельсавеце. У 1941—1944 гг. акупіравана нямецка-фашысцкімі захопнікамі. Акупанты загубілі 6 жыхароў вёскі, на фронце загінулі 6 воінаў-землякоў. З 1954 года ў Сялецкім сельсавеце. Паводле перапісу 1970 года — у калгасе «Усход».

Планіровачна складаецца з кароткай вуліцы, арыентаванай з паўночнага захаду на паўднёвы ўсход, і асобных участкаў забудовы.

• XIX стагоддзе:
  • 1897 — 18 двароў, 125 жыхароў, пры лясной канторы — 1 двор, 8 жыхароў.
• XX стагоддзе:
  • 1940 — 39 двароў, 174 жыхары.
  • 1959 — 29 гаспадарак, 89 жыхароў.
  • 1970 — 70 жыхароў.
• XXI стагоддзе:
  • 2005 — 11 двароў, 15 жыхароў.

• Павел Васільевіч Харламповіч (1884—?) — нумізмат, першы беларускі даследчык манетных скарбаў на тэрыторыі Беларусі

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

• На Вікісховішчы пакуль няма медыяфайлаў па тэме, але Вы можаце загрузіць іх