Руслан Міхайлавіч Лісаковіч

Руслан Лісаковіч
Поўнае імя	Руслан Міхайлавіч Лісаковіч
Нарадзіўся	22 сакавіка 2002(2002-03-22)[1] (23 гады) Мар’іна Горка, Пухавіцкі раён, Мінская вобласць, Беларусь[1]
Грамадзянства	Беларусь
Рост	170 см
Вага	76 кг[1]
Пазіцыя	паўабаронца
Інфармацыя пра клуб
Клуб	Мінск
Нумар	14
Клубная кар’ера[* 1]
2018—2019 Шахцёр (Салігорск) 0 (0) 2019 →  Узда 9 (2) 2020 Крумкачы (Мінск) 20 (3) 2021—2022 Іслач (Мінскі раён) 52 (6) 2023 Дынама (Махачкала) 20 (0) 2024 Нёман (Гродна) 7 (0) 2024— Мінск
Нацыянальная зборная[* 2]
2018—2019 Беларусь (да 17) 6 (1) 2022— Беларусь (да 21) 7 (0) 2021—2022 Беларусь 5 (0)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 жніўня 2024. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 18 кастрычніка 2023

Руслан Лісаковіч (нар. 22 сакавіка 2002, Мар’іна Горка) — беларускі футбаліст, паўабаронца клуба «Мінск».

Старэйшыя браты Руслана, Віталь і Дзмітрый, таксама футбалісты.

У юнацкім узросце далучыўся да салігорскага «Шахцёра» ўслед за старэйшымі братамі, выступаў за дубль. З красавіка па ліпень 2019 года на правах арэнды гуляў у Другой лізе за «Узду», дзе быў адным з лідараў каманды, пасля зноў апынуўся ў дублі «Шахцёра».

У сакавіку 2020 года падпісаў кантракт з «Крумкачамі» да канца сезона^[2], здолеў замацавацца ў стартавым складзе каманды. У студзені 2021 года стаў трэніравацца з «Іслаччу» і неўзабаве падпісаў двухгадовы кантракт з клубам^[3]. Дэбютаваў у Вышэйшай лізе 12 сакавіка 2021 года ў матчы першага тура супраць мазырскай «Славіі» (1:0), адгуляўшы ўсе 90 хвілін. У далейшым замацаваўся ў стартавым складзе і стаў адным з асноўных ігракоў каманды. Пачатак сезона 2022 прапусціў з-за траўмы, з лета вярнуў месца ў аснове. У студзені 2023 года па заканчэнні кантракта пакінуў «Іслач»^[4].

У лютым 2023 года стаў іграком махачкалінскага «Дынама» з Першай лігі Расіі^[5]. Пакінуў клуб у студзені 2024 года^[6]. У лютым 2024 года падпісаў кантракт з гродзенскім «Нёманам»^[7]. У ліпені 2024 года разарваў пагадненне з гродзенскім клубам^[8] і стаў іграком «Мінска»^[9].

У кастрычніку 2018 года гуляў за юнацкую зборную Беларусі (да 17 гадоў) у кваліфікацыйным, а ў сакавіку 2019 года ў элітным раўндах чэмпіянату Еўропы.

У 2021 годзе стаў прыцягвацца да моладзевай зборнай Беларусі, гуляў за яе ў кантрольных матчах. У жніўні 2021 года быў упершыню выкліканы ў нацыянальную зборную Беларусі. Дэбютаваў у зборнай 8 верасня 2021 года, калі выйшаў у стртавым складзе ў адборачным матчы чэмпіянату свету 2022 супраць Бельгіі (0:1) і быў заменены ў другім тайме.

1 чэрвеня 2022 года ўпершыню згуляў за моладзевую зборную Беларусі, выйшаўшы на замену ў другім тайме адборачнага матча чэмпіянату Еўропы супраць Кіпра (2:0).

• Уладальнік Кубка Беларусі: 2024

Памылка Lua у Модуль:External_links на радку 45: assign to undeclared variable 'link'.