Сяргей Валер’евіч Яромка

Сяргей Яромка
Сяргей Яромка
Агульная інфармацыя
Поўнае імя	Сяргей Валер’евіч Яромка
Нарадзіўся	7 красавіка 1967 (58 гадоў); Мінск, БССР, СССР;
Грамадзянства	Беларусь
Пазіцыя	нападнік
Інфармацыя пра каманду
Каманда	Беларусь (да 21)
Пасада	галоўны трэнер
Клубная кар’ера
1984—1988	Буравеснік (Мінск)
1991—1992	Метал (Ключбарк)
2001	СКАФ (Мінск)
Нацыянальная зборная
Трэнерская кар’ера
2005—2009	Мінск
2011	СКВІЧ (Мінск)
2012	Белшына (Бабруйск)
2014—2019	Гарадзея
2019—2020	Беларусь (да 21)
2022—2023	Мінск
2024—	Беларусь (да 21)
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ; ↑ Колькасць гульняў і галоў за нацыянальную зборную ў афіцыйных матчах ;

Сяргей Яромка (нар. 7 красавіка 1967, Мінск) — беларускі футбаліст (нападнік) і трэнер. У цяперашні час працуе галоўным трэнерам моладзевай зборнай Беларусі.

Клубная кар’ера

Пачынаў кар’еру ў мінскім «Буравесніку», пазней гуляў у Сярэдняй Азіі і Польшчы. У 1993 годзе вярнуўся ў Беларусь і стаў адным з самых забіўных нападнікаў Вышэйшай лігі. Двойчы станавіўся найлепшым бамбардзірам чэмпіянату.

За нацыянальную зборную Беларусі згуляў у адным таварыскі матч.

У 2001 годзе завяршыў кар’еру ў клубе Другой лігі СКАФ.

Трэнерская кар’ера

У 2001 годзе пачаў трэнерскую кар’еру ў СКАФе, пазней працаваў трэнерам у мінскіх «Лакаматыве» і «Дынама». У 2005 годзе узначаліў мінскую «Змену» (пазней «Мінск»). Вывеў гэты клуб у Вышэйшую лігу беларускага чэмпіянату. Пакінуў «Мінск» у 2009 годзе, пасля працаваў у мінскім «Дынама», быў галоўным трэнерам клуба СКВІЧ.

У пачатку 2012 года стаў галоўным трэнерам бабруйскай «Белшыны». Быў звольнены з пасады галоўнага трэнера ў ліпені 2012 года. У снежні 2012 года папоўніў трэнерскі штаб казахстанскага «Іртыша»^[2]. Пакінуў паўладарскі клуб улетку 2013 года.

У маі 2014 года быў прызначаны галоўным трэнерам «Гарадзеі»^[3]. Пасля няўдалага сезона 2014, у якім «Гарадзея» заняла толькі шостае месца ў Першай лізе, на наступны год каманда з Нясвіжскага раёна забяспечыла выхад у Вышэйшую лігу. У сезонах 2016 і 2017 «Гарадзея» была адным з сераднякоў Вышэйшай лігі. У лістападзе 2017 года кантракт клуба з Яромкам быў падоўжаны да 2019 года^[4].

У чэрвені 2019 года пакінуў пасаду галоўнага трэнера «Гарадзеі» і ўзначаліў моладзевую зборную Беларусі^[5]. Заставаўся трэнерам моладзевай зборнай да снежня 2020 года^[6].

У снежні 2022 года быў прызначаны галоўным трэнерам «Мінска»^[7]. У снежні 2023 года па заканчэнні кантракта пакінуў клуб^[8].

У лютым 2024 года зноў стаў галоўным трэнерам моладзевай зборнай Беларусі^[9].