Јажинце

Јажинце
Панорама на Јажинце
Јажинце Местоположба на Јажинце во Македонија Јажинце на карта
Координати 42°09′51″N 21°10′33″E / 42.16417°N 21.17583°E / 42.16417; 21.17583
Општина	Јегуновце
Население	913 жит. (поп. 2021)[1]
Пошт. бр.	1206
Шифра на КО	28031
Надм. вис.	781 м
Јажинце на општинската карта Атарот на Јажинце во рамките на општината

Јажинце — село во Општина Јегуновце, во околината на градот Тетово.

Според германска карта издадена во 1941 година, а заснована на пописот на Кралство Југославија во 1931 година, селото имало 400 Албанци.^[2]

Според пописот од 2002 селото брои 1.099 жители, од кои 1.098 Албанци и 1 останат.

Според последниот попис од 2021 година, во селото живееле 913 жители, од кои 884 Албанци и 29 лица без податоци.^[3]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[4]; за 1905 г.: La Macédoine et sa Population Chrétienne.^[5]; за 1948-2002 г.: Државен завод за статистика на РМ.^[6]; за 2021 г.: Државен завод за статистика на РМ.^[7]

Јажинце е албанско село, а до крајот на 20 век имало и Македонци во селото.

Според истражувањата во 1940-тите родови во селото се:

• Македонци: Јовчевци (2 к.) они се староседелци.
• Албанци: Незеле (24 к.), Коље (15 к.), Миаје (17 к.), Имиште (11 к.) и Пуљак (3 к.). Сите родови доселени се од разни места во северна Албанија, сите се доселени до средината на XIX век.^[8]

Во селото постојат избирачките места бр. 2132 и 2132/1 според Државната изборна комисија, сместени во просториите на основното училиште.^[9]

На претседателските избори во 2019 година, на овие избирачки места биле запишани вкупно 1.118 гласачи.^[10]

Црквиште, средновековна црква и некропола. Според историските извори, на горната страна на селото постоела црква посветена на Св.Спас. На површината се гледаат големи камени плочи од гробни конструкции и фрагменти од керамички садови.^[11][12]

Од селото се иселени повеќе Македонци. Се памтат многу иселени македонски родови како: Блажевци, Шиндаровци^[13], Јаќимовци, Димовци, Јанковци, Ристовци, Јошевци и др. Многу од нив се иселени во Тетово, некои и на други места.

Во околните села познати се следните родови иселени од Јажинце: Јажинковци (3 к.) се иселени во селото Јанчиште.Кичиновци (6 к.) иселени се во селото Кучково, Скопско. Војиновци (4 к.) иселени се во селото Волково, Скопско. Они од Волково имаат иселеници и на други места.

Од лозата на Шиндаровци, преселени се во населени места околу Скопје: Драчево, Црешево, Лисиче.

Од муслиманските родови иселеници има во: Пржалар иселени се во селото Прошовце. Јажинци (11 к.) иселени се во селото Долно Свиларе, Скопско. И на двата рода подалечно потекло им е од северна Албанија.^[8]

Оваа статија за место во Македонија е никулец. Можете да помогнете со тоа што ќе ја проширите. п р у

п р у Населени места во Општина Јегуновце Беловиште Вратница Жилче Јажинце Јанчиште Јегуновце Копанце Орашје Подбреге Прељубиште Раотинце Ратае Рогачево Сиричино Старо Село Туденце Шемшево