Извор (Кумановско)

За други значења на поимот Извор, видете на појаснителната страница

Извор
Извор Местоположба на Извор во Македонија Извор на карта
Координати 42°12′12″N 21°34′41″E / 42.20333°N 21.57806°E / 42.20333; 21.57806
Регион	Североисточен
Општина	Липково
Област	Жеглигово
Население	20 жит. (поп. 2021)[1]
Пошт. бр.	1325
Повик. бр.	031
Шифра на КО	17041
Надм. вис.	810 м
Извор на општинската карта Атарот на Извор во рамките на општината
Извор на Ризницата

Извор — село во Општина Липково, Кумановско.

Селото се наоѓа во областа Жеглигово, во сливното подрачје на Липковска Река, делумно заезерена со акумулацијата Глажња. Атарот е планински, со површина од 5,8 км^2[2] Од источната страна на селото минува регионалниот пат Опае - Злокуќане (Р29272) кој води до граничниот премин за Косово.

Селото е спомнато се спомнува во Првата архилевичка грамота од 1354/5 г. како дар на деспотот Дејан за црвата во Архилевица. Во 1378-9 г. наследниците на Дејан, Јован и Константин Драгаш, ја дарувале црквата во Архилевица со сите нејзини имоти на манастирот Хиландар на Света Гора.^[3]

На крајот од XIX век Извор било албанско село во Кумановската каза на Отоманското Царство. Според статистиката на Васил К’нчов („Македонија. Етнографија и статистика“) од 1900 г. Извор имал 160 Арнаути муслимани.^[4]

Извор има скромно земјоделство. Од вкупната површина на атарот, 347 ха се шуми, 163 ха се обработливо земјиште, а само 57 ха отпаѓа на пасишта^[2]

Според германска карта издадена во 1941 година, а заснована на пописот на Кралство Југославија во 1931 година, селото имало 250 Албанци.^[5]

Во 1950-тите и 1960-тите, Извор бил населен претежно од Турци, Албанците биле малцинство (17,9 % во 1953, а 12,4 % во 1961 г). Ова се сменило во текот на наредната деценија, која Турците целосно се иселиле, а на нивно место се доселиле голем број Албанци. Сепак, во 1970-тите населението (сега целосно албанско) доживеало голем пад, кој продолжил сè до денес. На пописот од 2002 година, селото имало 4 жители.

Во 2002 година, селото имало 4 жители, сите Албанци.

Според последниот попис од 2021 година, во селото живееле 20 жители, сите Албанци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[6]; за 1905 г.: La Macédoine et sa Population Chrétienne.^[7]; за 1948-2002 г.: Државен завод за статистика на РМ.^[8]; за 2021 г.: Државен завод за статистика на РМ.^[9]

• Изворска џамија
• Подрачно основно училиште на ОУ „Фаик Коница“ - Слупчане

• Сејфедин Сулејмани (1938-2008) — писател и политичар

• Извор (Кумановско) на Ризницата

п р у Населени места во Општина Липково Алашевце Белановце Ваксинце Виштица Глажња Гошинце Злокуќане Извор Липково Лојане Матејче Никуштак Опае Оризари Отља Ропалце Руница Слупчане Стрима Раселени Думановце Р’нковце Стража Нови Лукаре Селото Лукаре било прогласено за самостојно село во 2014 година согласно Закон, но не било вклучено во Пописот од 2021 година